کراچی : ایڈیشنل آئی جی ٹریفک خادم حسین بھٹی نے آج ڈرائیونگ لائسنس برانچ کلفٹن کورنگی اور ناظم آباد کا ہنگا می دورہ کیا۔
خادم حسین بھٹی نے لائسنس کے حصول کی غرض سے آنے والے لوگوں سے ان کی شکایات معلوم کیں، اورتمام برانچز پر بلا معاوضہ لائسنس فارم اور عوام کو دی جانے والی سہولیات کی فراہمی کا جائزہ لیا۔
اس موقع پر موجود لوگوں نے ایڈیشنل آئی جی ٹریفک کے اقدام پر اطمینان کا اظہار کیا۔
علاوہ ازیں عوام کی سہولت کے پیش نظر لائسنس کے اجراءکی میعاد میں تین ماہ کی توسیع کا فیصلہ کیا گیا ہے اس دوران لائسنس کے بغیر پرائیویٹ گاڑیاں چلانے والے ڈرائیوروں کی خلاف چالان کی کارروائی جاری رہے گی۔
البتہ ان کی گرفتاری کے عمل کو تین ماہ کیلئے مؤخر کردیا گیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں