The news is by your side.

Advertisement

عرب ملک میں پلنے بڑھنے والی بھارتی حسینہ پاکستان سے دوستی کی خواہشمند

کویت سٹی: امریکا میں ہونے والے مس ورلڈ مقابلے میں شریک تیسرے نمبر پر آنے والی ایڈلین کیسٹیلینو، جن کا آبائی وطن بھارت ہے، پاکستان سے دوستی اور بہتر تعلقات کی خواہاں ہیں۔

بین الاقوامی میڈیا کو دیے گئے ایک انٹرویو میں مس یونیورس مقابلے میں تیسرے نمبر پر آنے والی ایڈلین کیسٹیلینو کا کہنا ہے کہ بھارت اور پاکستان کے لیے یہ وقت ہے کہ وہ باہمی اختلافات بھلا کر ایک دوسرے کے احترام پر مبنی تعلق استوار کریں۔

انٹرویو کے دوران ایڈلین نے عرب ثقافت میں گزرے اپنے بچپن کا ذکر بھی کیا۔

گزشتہ ماہ فلوریڈا میں ہونے والے مس ورلڈ مقابلے میں شریک رہنے والی بھارتی حسینہ کا کہنا تھا کہ اگر مجھے موقع ملا تو میں امن کے سفیر کا کردار ادا کر کے خوشی محسوس کروں گی۔ میری کوشش ہو گی کہ اس وقت دنیا کو جس چیز کی ضرورت ہے اس کے لیے سب سے زیادہ کام کروں۔

جنوبی بھارت کی ریاست کرناٹک کے علاقے منگلور سے آبائی تعلق رکھنے والی 22 سالہ ایڈلین کیسٹیلینو کویت میں پیدا ہوئیں اور وہیں پلی بڑھی ہیں۔

انہوں نے کہا کہ میں عرب ثقافت میں پلنے بڑھنے پر خود کو خوش قسمت سمجھتی ہوں، اس سے میں نے بہت کچھ سیکھا ہے، دونوں ثقافتوں کے امتزاج نے مجھے وہ بنایا ہے جو میں آج ہوں۔

ایڈلین کا کہنا تھا کہ کویت نے انہیں جو ایک اور چیز دی وہ پاکستان سے تعلق رکھنے والے ایسے دوست ہیں جن کے ملک سے ان کے آبائی وطن بھارت کے تعلقات اچھے نہیں ہیں۔

وہ کہتی ہیں کہ میں نہیں سمجھتی کہ اس دشمنی کو جاری رہنا چاہیئے۔ اپنی تاریخ اور پس منظر کی وجہ سے ہم بہت اچھے تعلقات رکھ سکتے ہیں، کویت میں، میں پاکستانیوں اور بنگلہ دیشیوں کے ساتھ رہی ہوں اور وہ میرے سب سے اچھے دوست ہیں، وہ میرے لیے خاندان جیسے ہیں۔

Comments

یہ بھی پڑھیں