The news is by your side.

Advertisement

کرونا ایس او پیز کی خلاف ورزی پر انتظامیہ کا ایکشن، متعدد دوکاندار گرفتار

لاہور: پنجاب میں کرونا وبا کی تیسری لہر روکنے کے لئے انتظامیہ ایکشن میں آگئی ہے اور ماسک نہ پہننے والے افراد کو جیل میں ڈالا جانے لگا۔

تفصیلات کے مطابق پنجاب میں کرونا ایس او پیز کی خلاف ورزی پر ایکشن شروع ہوگیا ہے، ملتان میں ایس اوپیز کی خلاف ورزی پر مختلف دوکانوں اور شادی ہالز پر دو لاکھ اکسٹھ ہزار روپے جرمانہ، تین ریسٹورنٹس اور ایک دکان کو سیل جبکہ ایک دکاندار کو گرفتار کیا گیا۔

اس کے علاوہ لاہور میں میٹرو بس سروس اور اورنج ٹرین سروس کو بھی بند کردیا گیا ہے۔

کوٹ مٹھن میں ماسک پہننے کی پابندی کی خلاف ورزی پر دو افراد کو گرفتار کرکے مقدمات درج کئے گئے، ڈسکہ میں چودہ دکانداروں کو گرفتار کرکے انہیں حوالات میں بند کردیا گیا ہے اور ان پر مقدمات درج کرلئے گئے ہیں۔

اسی طرح صادق آباد میں بھی ماسک نہ پہننے پر دو افراد کو گرفتار کرلیا گیا ہے۔

گذشتہ روز بھی لاہور میں ملت پارک پولیس نےماسک نہ پہننے پر پانچ افراد کو گرفتار کیا تھا، ملزمان اسکیم موڑ روڈپر بغیر ماسک کےگھوم رہےتھے، پولیس نے ملزمان کوماسک پہنا کرحوالات میں بند کیا۔

یہ بھی پڑھیں:  ملک بھر میں کرونا وائرس کے مزید 4 ہزار نئے کیسز اور 100 اموات رپورٹ

واضح رہے کہ دو روز قبل اپنی پریس کانفرنس میں وزیر اعلیٰ پنجاب عثمان بزدار کی معاون خصوصی ڈاکٹر فردوس عاشق اعوان نے پنجاب میں ماسک پہننا لازمی قرار دیتے ہوئے کہا تھا کہ ماسک نہ پہننے والوں کے خلاف کارروائی کی جائیگی۔

واضح رہے کہ ملک بھر میں کرونا وائرس کی تیسری لہر کی تباہ کاریاں جاری ہیں، گزشتہ 24 گھنٹے میں مزید 4 ہزار سے زائد نئے کیسز اور 100 اموات رپورٹ ہوئیں ہیں۔

Comments

یہ بھی پڑھیں