The news is by your side.

Advertisement

ایڈمنسٹریٹر کراچی نے اپنے من پسند افراد کو کے ایم سی میں بھرتی کرنا شروع کردیا

کراچی : ایڈمنسٹریٹر کراچی لئیق احمد نے ایڈمنسٹریٹر کے ایم سی کا عہدہ سنبھالنے کے بعد اپنے دست راست خالد خان کو بھی کے ایم سی میں تعینات کرا دیا ہے، خالد خان پر سنگین بدعنوانیوں کے الزامات عائد کئے گئے تھے۔

تفصیلات کے مطابق ایڈمنسٹریٹر کراچی نے اپنے من پسند افراد کو کے ایم سی میں بھرتی کرنا شروع کردیا ہے ، ایڈمنسٹریٹر لئیق احمد کے فرنٹ مین کہلائے جانے والے خالد خان کی بلدیہ عظمی کراچی میں انٹری ہوگئی۔

ذرائع کا کہنا ہے کہ بلدیہ عظمی کراچی میں اس سے قبل جب لئیق احمد ایڈمنسٹریٹر کے عہدے پر تعینات تھے تو خالد خان ہی تمام معاملات سنبھالتے تھے، کے ایم سی افسران اور کنٹریکٹرز کی جانب سے خالد خان پر سنگین بدعنوانیوں کے الزامات عائد کئے گئے تھے۔

ذرائع کے مطابق کے ایم سی کے منافع بخش محکموں میں افسران کی پوسٹنگ، سمیت کنٹریکٹرز کو ادائیگیوں کی مد میں کمیشن وصولی کے الزامات بھی خالد خان پر عاہد تھے۔

لئیق احمد نے ایڈمنسٹریٹر کے ایم سی کا عہدہ سنبھالنے کے بعد اپنے دست راست خالد خان کو بھی کے ایم سی میں تعینات کرا دیا اور سندھ حکومت کے نوٹیفکیشن کے بعد کے ایم سی میں خالد خان کی جوائننگ منظور کر لی گئی ہے۔

خالد خان بلدیہ کراچی میں سینئر ڈائریکٹر کوآرڈنیشن اور ایڈمنسٹریٹر کے پرنسپل سیکریٹری کے عہدے پر تعینات کر دیئے گئے ہیں۔

Comments

یہ بھی پڑھیں