The news is by your side.

Advertisement

پاکستان خطےمیں امن واستحکام کےلیےکوشاں ہے‘ ایڈمرل ظفرمحمود عباسی

کراچی : پاک بحریہ کے سربراہ ایڈمرل ظفرمحمود عباسی کا کہنا ہے کہ پاک بحریہ نے بحرہند میں ریجنل میری ٹائم پٹرولز کے قیام کا فیصلہ کیا ہے جس سے بحری دہشت گردی، بحری قذاقی اوراسمگلنگ کی روک تھام ہوگی۔

تفصیلات کے مطابق پاکستان نیول اکیڈمی کراچی میں 109 ویں مڈشپ میں اور 18 ویں شارٹ سروس کمیشن کورس کی پاسنگ آؤٹ پریڈ کا انعقاد ہوا۔

اس موقع پرتقریب سے خطاب کرتے ہوئے نیول چیف ایڈمرل ظفرمحمود عباسی کا کہنا تھا کہ قومی مفادات اور دفاعی خود مختاری کے حصول کے لیے بحرہند میں ریجنل میری ٹائم پٹرولز کے قیام کا بہت اہم فیصلہ کیا ہے۔

نیول چیف کے مطابق ریجنل میری ٹائم پٹرولز کے قیام کا مقصد بحرہند میں بحری دہشت گردی، بحری قذاقی اوراسمگلنگ کی روک تھام ہے۔

پاک بحریہ کے سربراہ کا کہنا تھا کہ پاکستان خطے میں امن واستحکام کے لیے کوشاں ہے اورقومی مفادات کا تحفظ اور دفاعی خودمختاری ہماری ترجیحات ہیں۔

ایڈمرل ظفرمحمود عباسی نے تقریب سے خطاب کے دوران واضح کیا کہ پاکستان کی امن کی خواہش کو کمزوری نہ سمجھا جائے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں