ایڈمرل ذکا اللہ کی صدر‘ وزیراعظم سے الوداعی ملاقاتیں -
The news is by your side.

Advertisement

ایڈمرل ذکا اللہ کی صدر‘ وزیراعظم سے الوداعی ملاقاتیں

اسلام آباد : پاک بحریہ کے سربراہ ایڈمرل محمد ذکا اللہ نے صدر مملکت ممنون حسین وزیراعظم شاہد خاقان عباسی سے الوداعی ملاقات کی۔

تفصیلات کے مطابق گزشتہ روز اسلام آباد میں ایڈ مرل محمد ذکا اللہ صدر اور وزیراعظم سے ملاقات کی جس میں ان کی بحیثیت سربراپ پاک بحریہ کار گردگی کو سراہا گیا۔

صدر مملکت نے پاک بحریہ کے لیے ان کی خدمات کو خراجِ تحسین پیش کرتے ہوئے کہا کہ انھوں نے اپنی ذمہ داریاں بہترین پیشہ ورانہ طریقے سے ادا کیں۔ جس کے نتیجے میں ملک کا بحری دفاع مضبوط ہوا اور پاک بحریہ پر قوم کے اعتماد میں اضافہ ہوا۔

ایڈمرل ذکا اللہ کی چیئرمین جوائنٹ چیفس سے الوداعی ملاقات

انھوں نے توقع ظاہر کی کہ ان کے جانشین ان کے دور میں شرو ع کیے ہوئے تمام اچھے منصوبوں کو احسن طریقے سے مکمل کریں گے۔ انھوں نے ایڈمرل ذکا اللہ کی ترقی ، خوشحالی اور صحت کے لیے نیک تمناوں کا اظہار کرتے ہوئے توقع ظاہر کی کہ مستقبل میں بھی ان کا تجربہ ملک و ملت کی ترقی کے لیے کام آتا رہے گا۔

دوسری جانب وزیرِاعظم پاکستان شاہد خاقان عباسی سے بھی پاک بحریہ کے سربراپ نے ان کے آفس میں الوداعی ملاقات کی۔

وزیرِاعظم نے اپنے عہدے سے سبکدوش ہونے والے پاک بحریہ کے سربراہ کی وطنِ عزیز کے دفاع کے سلسلے میں کی جانے والی غیر معمولی خدمات کو سراہا اوراُن کے مستقبل کے لیے نیک خواہشات کا اظہارکیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں