The news is by your side.

Advertisement

کراچی : کالجوں میں داخلوں کا آغاز ہوگیا

کراچی : کالجوں میں آج سے داخلوں کا آغاز ہوگیا، ڈائریکٹر جنرل کالجز سندھ کا کہنا ہے کہ آن لائن فارم جمع کرانے والے طالبعلم کو مشکلات ہوں تو کالجز سے رجوع کرسکتے ہیں۔

تفصیلات کے مطابق کراچی میں کالجوں میں آج سے داخلوں کا آغاز ہوگیا، اس سلسلے میں ڈائریکٹر جنرل کالجز سندھ نے سرکاری کالجز کے پرنسپلز کو ہدایت جاری کردی ہے کہ تمام کالجوں میں ہیلپ ڈیسک قائم کی جائے۔

ڈائریکٹر جنرل کالجز سندھ نے کہا کہ داخلوں کیلئے آنیوالے طالبعلموں کی رہنمائی کی جائے، کراچی کے تمام سرکاری کالجوں میں ہیلپ ڈیسک پر 2اساتذہ تعینات کئے جائیں جبکہ آن لائن فارم جمع کرانے والے طالبعلم کو مشکلات ہوں تو کالجز سے رجوع کرسکتے ہیں امتحانی فارم آن لائن جمع کرائے جائیں گے۔

یاد رہے سیکریٹری کالجز نے داخلہ پالیسی کا اعلان کرتے ہوئے نوٹی فکیشن جاری کیا تھا ، جس میں بتایا گیا تھا کہ طلبہ کے لیے آن لائن سسٹم تیار کیا گیا ہے جس کے ذریعے وہ فارم جمع کر واسکتے ہیں۔

نوٹی فکیشن میں کہا گیا تھا کہ طلبہ میٹرک کے نتائج کی بنیاد پر اپنا فارم جمع کرائیں، محکمہ کالجز کی ویب سائٹ پر جل داخلہ فارم اپ لوڈ کردیا جائے گا۔

نوٹی فکیشن کے مطابق کراچی کے علاوہ اندرونِ سندھ سے تعلق رکھنے والے طلبہ متعلقہ ڈائریکٹر کالجر کے دفاتر میں اپنے فارم جمع کراسکتے ہیں، داخلہ پالیسی کے چیئرمین کو ڈی جی کالجز اور وائس چیئرمین ضلعی ڈائریکٹر کالجز ہوں گے۔

Comments

یہ بھی پڑھیں