سرعام ہوائی فائرنگ کرنے والا ملزم عدنان پاشا کے خلاف مقدمہ درج: Firing
The news is by your side.

Advertisement

سرعام ہوائی فائرنگ کرنے والا ملزم عدنان پاشا کے خلاف مقدمہ درج

کراچی: شارع فیصل پر کھلے عام اسلحہ کی نمائش اور ہوائی فائرنگ کرنے والے شہری عدنان پاشا کے خلاف تھانہ بہادر آباد میں مقدمہ درج کر لیا گیا۔

تفصیلات کے مطابق عدنان پاشا کے خلاف مقدمہ دفعہ 504 اور 506 بی کے تحت سرکار کی مدعیت میں تھانہ بہادر آباد میں درج کیا گیا، تاہم ملزم کی گرفتاری اب تک عمل میں نہیں لائی جاسکی۔

درخواست میں موقف اختیار کیا گیا ہے کہ ملزم نے شارع فیصل پر عوامی مرکز کے قریب ہوائی فائرنگ کی تھی جس سے شہریوں میں خوف و ہراس پھیلا۔

کراچی: شارع فیصل پرفائرنگ کرتے ہوئےشہری کا پولیس کوچیلنج

دوسری جانب ملزم کا اپنے وضاحتی بیان میں کہنا تھا کہ وہ سوشل میڈیا پر اپنی ویڈیو شیئر کرنا چاہتا تھا، اس کا مقصد قطعی شہریوں کو خوف و ہراس میں مبتلا کرنا نہیں تھا۔

خیال رہے گذشتہ دنوں ملزم نے قانون نافذ کرنے والے اداروں کو چیلنچ کرتے ہوئے شہر میں کھلے عام اسلحہ کی نمائش اور ہوائی فائرنگ کی تھی، جس کے بعد ویڈیو سماجی رابطے کی ویب سائٹ فیس بک پر اپ لوڈ کی تھی۔

کراچی، ہوائی فائرنگ سے زخمی بچہ جاں بحق

واضح رہے گذشتہ دنوں وزیرداخلہ سندھ سہیل انور سیال نے اے آر وائی  نیوز پر خبر نشر ہونے کے بعد فوری نوٹس لیتے ہوئے ایس ایس پی ایسٹ کو کارروائی کا حکم دیا تھا، تاہم دو روز گزر جانے کے باوجود پولیس ملزم کو گرفتار کرنے میں ناکام رہی۔

یاد رہے کہ گزشتہ روز آئی جی سندھ پولیس اے ڈی خواجہ نے بھی واقعے کا نوٹس لیتے ہوئے متعلقہ پولیس افسران کو شہری کے خلاف سخت کارروائی کا حکم دیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں