پاکستانی ڈرامہ انڈسٹری کی معروف اداکار عدنان صدیقی نے شوبز کی دنیا کو چھوڑنے کا اشارہ دے دیا۔
امریکی ٹیکنالوجی کمپنی ٹیسلا کے سربراہ ایلون مسک کے بعد اب معروف اداکار عدنان صدیقی نے بھی ٹویٹ کرکے صارفین کو حیران کردیا۔
عدنان صدیقی نے ٹویٹر پر اپنے پیغام میں کہا کہ ’ایلون مسک سے متاثر ہوکر میں بھی اداکاری چھوڑ کر کوئی اور پیشہ اختیار کرنے کا سوچ رہا ہوں۔‘
اداکار نے سوشل میڈیا صارفین سے رائے طلب کرتے ہوئے لکھا کہ ’مجھے تجاویز دیں کہ میں کونسا پیشہ اختیار کروں۔‘
Inspired by Elon Musk, I am also thinking of quitting acting and taking up something else as profession. Suggestions?
— Adnan Siddiqui (@adnanactor) December 17, 2021
عدنان صدیقی کے پوچھنے پر کچھ صارفین نے انہیں ریسٹورینٹ کھولنے کا مشورہ دیا تو کسی نے انہیں سوشل میڈیا انفلوئنسر بننے کا مشورہ بھی دیا۔
اداکار کو بہت سے مداحوں نے اداکاری سے کنارہ کشی اختیار کرنے سے بھی روکا۔
واضح رہے کہ گزشتہ دنوں امریکی ٹیکنالوجی کمپنی ٹیسلا کے سربراہ ایلون مسک کی جانب سے ملازمت چھوڑنے کا اعلان کیا گیا تھا۔
thinking of quitting my jobs & becoming an influencer full-time wdyt
— Elon Musk (@elonmusk) December 10, 2021
انہوں نے اپنے ٹویٹ میں لکھا تھا کہ وہ اپنی نوکری چھوڑ کر فل ٹائم انفلوئنسر بننے کا سوچ رہے ہیں، انہوں نے بھی اپنی اس ٹویٹ میں فالوورز سے رائے مانگی تھی۔
