مزیدار ادرک مٹن تیار کرنے کی آسان ترکیب -
The news is by your side.

Advertisement

مزیدار ادرک مٹن تیار کرنے کی آسان ترکیب

گائے یا بڑے جانور کا گوشت بہت سی بیماریاں پیدا کرنے کا سبب بن سکتا ہے لہٰذا ماہرین مشورہ دیتے ہیں کہ بڑے گوشت کا استعمال کم سے کم کیاجائے۔

اس کے برعکس چھوٹا گوشت یا مٹن غذائیت سے بھرپور ہوتا ہے۔

اسی لیے آج ہم آپ کو ادرک مٹن تیار کرنے کی آسان ترکیب بتا رہے ہیں۔


اجزا

مٹن: آدھا کلو

دہی: آدھا پاﺅ

پیاز: 1 عدد

ہری مرچ: 4 عدد

ادرک: 1 درمیانہ ٹکڑا

ہرا دھنیہ: چوتھائی گٹھی

پانی: آدھا کپ

پسا گرم مصالحہ: آدھا چائے کا چمچ

ہلدی: آدھا چائے کا چمچ

ادرک لہسن کا پیسٹ: 2 کھانے کے چمچ

تیل: 2 سے 3 کھانے کے چمچ

نمک: حسب ذائقہ


ترکیب

پہلے پین میں تیل گرم کر کے 2 کھانے کے چمچ ادرک لہسن کا پیسٹ ڈال کر پکائیں۔

اب آدھ کلو مٹن کو چھوٹے چھوٹے ٹکڑوں میں کاٹ لیں اور اسکو بھی پین میں شامل کریں اور اتنا بھونیں کہ رنگ تبدیل ہوجائے، پھر اسے نکال لیں۔

اب پیاز، مرچ، ادرک، ہرا دھنیہ، پسا گرم مصالحہ، ہلدی اور نمک شامل کر کے 6 سے 8 منٹ تک بھونیں اور دہی شامل کردیں۔

تین سے چار منٹ تک مزید پکانے کے بعد اس میں مٹن شامل کردیں اور آدھا کپ پانی بھی ڈال دیں۔

اب اسے ڈھک کر 10 سے 15 منٹ تک دم پر پکنے کے لیے چھوڑ دیں۔

مٹن گل جانے کی صورت میں آنچ تیز کر کے بھونیں۔

مزیدار ادرک مٹن تیار ہے۔ ڈش میں نکال کر گرم گرم سرو کریں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں