پاپ گلوکاری کی دنیا کے مشہور ترین بینڈ ایکسینٹ کے لیڈ گلوکار ایڈریان سینا پاکستان میں معروف اداکارہ عائشہ عمر سے ملاقات کے منتظر ہیں۔
ایڈریان سینا کے پاکستان آنے اور یہاں کے پرفضا مقامات پر چھٹیاں گزارنے کے اعلان پر عائشہ عمر نے ان کا خیر مقدم کیا۔
گلوکار نے جواب میں کہا کہ وہ سیاحت کے فروغ کے لیے رواں برس دسمبر میں پاکستان آرہے ہیں ،ہنزہ کی سیر کرنے کے بعد وہ ان سے بھی ملاقات کریں گے اور دونوں مل کر کسی بڑے منصوبے پر کام کریں گے۔
یاد رہے کہ رومانیہ کے میوزک بینڈ ایکسنٹ کے لیڈ گلوکار ایڈریان سینا نے سوشل میڈیا پر اپنی ایک مختصر ویڈیو شیئر کی تھی۔
انہوں نے اس ویڈیو میں کہا تھا کہ میں ایک بار پھر پاکستان کے لوگوں سے مل کر بہت خوشی محسوس کروں گا۔
Comments
- Advertisement -