ممبئی: 2013 میں ریلیز ہونے والی فلم ’عاشقی 2‘ سے شہرت پانے والے اداکار آدتیہ رائے کپور ایک بار پھر اسکرین پر جلوہ گر ہوں گے۔
بھارتی میڈیا کے مطابق آدتیہ رائے کپور کی فلم ’گمراہ‘ کو سنیما گھروں میں نمائش کے لیے پیش کیے جانے کی تاریخ سامنے آگئی۔
فلم رواں سال 7 اپریل کو ریلیز کی جائے گی جس میں ان کے ہمراہ اداکارہ مرنال ٹھاکر بھی مرکزی کردار نبھاتے ہوئے نظر آئیں گی۔
’گمراہ‘ تمل فلم ’تھڈم‘ کا ہندی ریمیک ہے جس میں آدتیہ رائے کپور ڈبل رول نبھاتے ہوئے نظر آئیں گے۔
اداکارہ مرنال ٹھاکر نے انسٹاگرام پر فلم کا پوسٹر شیئر کرتے ہوئے اپنے جذبات کا اظہار کیا۔ انہوں نے اپنے مداحوں کو بتایا کہ ’میں بہت خوشی محسوس کر رہی ہوں کہ ’گمراہ‘ 7 اپریل کو ریلیز کی جائے گی۔‘
View this post on Instagram
کچھ عرصے قبل آدتیہ رائے کپور نے اس فلم کے حوالے سے گفتگو کرتے ہوئے بتایا تھا کہ میں اس دلچسپ کہانی کا حصہ بننے پر خوش ہوں لیکن اسکرین پر ڈبل رول ادا کرنا ایک مشکل چیلنج ہے جس کے لیے بالکل تیار ہوں۔
آدتیہ رائے کپور نے ’عاشقی 2‘ میں معروف اداکارہ شردھا کپور کے ہمراہ مرکزی کردار ادا کیا تھا اور فلم نے باکس آفس پر کمرشل کامیابی حاصل کی تھی۔
