ایڈووکیٹ جنرل پنجاب احمد اویس کو کام سے روک دیا گیا ہے اب وہ کسی عدالت میں پنجاب حکومت کی نمائندگی نہیں کرسکیں گے۔
اے آر وائی نیوز کے مطابق ایڈووکیٹ جنرل پنجاب احمد اویس کو کام سے روک دیا گیا ہے اور اس حوالے سے محکمہ قانون اور پارلیمانی امور نے مراسلہ بھی جاری کردیا ہے۔
ایڈووکیٹ جنرل پنجاب اویس احمد اب کسی عدالت میں پنجاب حکومت کی نمائندگی نہیں کرسکیں گے۔
مراسلے میں کہا گیا ہے کہ ایڈووکیٹ جنرل پنجاب کی ذمے داری صوبائی حکومت کی نمائندگی کرنا ہے لیکن گورنرکی پٹیشن میں ایڈووکیٹ جنرل نے انتظامی امور کی خلاف ورزی کی۔
مراسلے میں یہ بھی کہا گیا ہے کہ صوبائی حکومت کے فعال نہ ہونے کی وجہ سے پیچیدگیاں بڑھ رہی ہیں اس لیے صوبائی حکومت کی عدم موجودگی میں ایڈووکیٹ جنرل عدالت میں پیش نہیں ہوسکتے۔
محکمہ قانون نے ایڈووکیٹ جنرل سے کہا ہے کہ انتظامی معاملات کے کیسز میں آپ عدالت میں پیش نہ ہوں۔
