ممبئی: بھارت کے ارب پتی تاجر کی بیٹی ایشا امبانی کو اُن کے سسر نے 452 کروڑ روپے مالیت کا بنگلہ شادی کے تحفے کے طور پر دے دیا۔
تفصیلات کے مطابق بھارت کے ارب پتی تاجر کی صاحبزادی ایشا 12 دسمبر کو معروف ارب پتی شخصیت اجے پرمان کے بیٹے آنند کے ساتھ ازدواجی بندھن میں بندھنے جارہی ہیں۔
بھارتی میڈیا میں معروف صنعت کار مکیش امبانی کی صاحبزادی زیر بحث ہیں، چار روز قبل ایشا کی شادی کا کارڈ منظر عام پر آیا جسے مہنگا ترین دعوت نامہ قرار دیا گیا۔
ایشا کی شادی کا دعوت نامے کو دیکھ کر کچھ دیر کے لیے تو ہر دوسرا شخص متاثر ہوا مگر جب اس کی اصل قیمت سامنے آئی تو سب کے ہوش ہی اڑ گئے۔
مزید پڑھیں: برطانوی شہزادی کی چھوٹی بہن کی پرتعیش شادی
دعوت نامہ گلاپی رنگ کے بڑے ڈبے میں تھا جس پر دلہا دلہن کا نام انگریزی الفاظ میں درج تھا، بھارتی میڈیا کے مطابق اس کارڈ کی قیمت 3 لاکھ روپے ہے۔
انوکھے دعوت نامے کو ڈبے میں بند کیا گیا جب اسے کھولیں گے تو اس میں کتاب کی صورت میں خاندان والوں کی جانب سے دلہن دلہا کے لیے نیک خواہشات درج ہیں، اندر موجود ایک اور کارڈ پر تقاریب کی تفصیلات اور مقام تحریر کیا گیا۔
پرتعیش شادی سے قبل قیمتی اور مہنگے تحائف دینے کا سلسلہ جاری ہے، ایشا کے سسر نے انہیں ممبئی کے علاقے ورلی میں نیا تعمیر ہونے والا 452 کروڑ روپے کا بنگلہ شادی کے تحفے کے طور پر اپنی بہو کو دیا۔
یہ بھی پڑھیں:افلاس زدہ بھارت میں شادی پر 5 ارب روپے خرچ
بھارتی میڈیا کے مطابق ایشا 12 دسمبرکو آنند کے ساتھ شادی کے بندھن میں بندھ کر اس 5منزلہ بیش قیمت بنگلے میں منتقل ہوجائیں گی، جس کا رقبہ 5 ہزار مربع فٹ پر مشتمل ہے۔
بھارتی میڈیا کے مطابق آنند نے طویل عرصے کی دوستی کے بعد ایشیا کو شادی کی پیش کش کی تھی جسے انہوں نے قبول کر کے والدین کو خود ہی راضی کیا تھا۔
