The news is by your side.

افغان فضائیہ کی بمباری، 7 طالبان ہلاک، 6 زخمی

کابل: افغان طالبان کے صوبے ہلمند میں واقع ائیر بیس پر حملے کو ناکام بناتے ہوئے افغان فورسز نے جوابی کارروائی میں 7 طالبان کو ہلاک اور 6 کو زخمی کردیا۔

افغان میڈیا کے مطابق افغان طالبان نے افغانستان کے صوبے ہلمند کے ایئر بیس ہر حملے کی کوشش کی جسے افغان فورسز نے ناکام بنادیا اور فرار ہونے والے طالبان کے تعاقب میں افغان ایئر فورس نے طالبان ٹھکانوں پر بمباری کی۔

افغان فضائیہ کے مطابق فضائی حملے میں 7 طالبان جنگجوؤں کو ہلاک اور 6 کو زخمیوں کردیا گیا جب کی زخمی طالبان کو حراست میں لے کر نامعلوم مقام پر منتقل کردیا گیا۔

افغان میڈیا کا کہنا ہے کہ افغان فضائیہ کی جانب سے کیے گئے حملے میں افغان طالبان کے اسلحہ ڈپوں سمیت ان کی کمین گاہوں کو بھی مکمل طور پر تباہ کردیا گیا ہے جب کہ کئی طالبان جنگجوؤں کو بھی گرفتار کر لیا گیا ہے۔

ابھی تک نہ تو طالبان کی جانب سے ایئر بیس پر کیے جانے والے حملے میں ہونے والے نقصان کا پتا چل سکا ہے اور نہ افغان فضائیہ کی کارروائی کے حوالے سے افغان طالبان یا کسی دوسری شدت پسند تنظیم کا کوئی ردعمل سامنے آسکا ہے۔

Print Friendly, PDF & Email

Comments

comments

یہ بھی پڑھیں