کابل: افغانستان سے تعلق رکھنے والے پانچ سالہ معذور بچے کی ویڈیو نے لاکھوں دل جیت لیے.
تفصیلات کے مطابق جنگ میں اپنی ٹانگ سے محروم ہونے والے افغان بچے احمد سید کو چند روز قبل نئی مصنوعی ٹانگ لگائی گئی.
اپنی ٹانگ واپس پانے کے بعد ننھا احمد خوشی سے بھر گیا اور اس نے اسپتال ہی میں رقص شروع کر دیا، دیکھنے والوں نے اسے جنگ اور کرب کے دنوں میں خوشی کی بازیافت کا عمل قرا ردیا.
خوشی سے لبریز معصوم بچے کی ویڈیو وائرل ہوگئ، ویڈیو کو لاکھوں افراد نے دیکھا اور شیئر کیا، احمد کے رقص کی اس ویڈیو کو ٹوئٹر پر ایک دن میں پانچ لاکھ سے زائد افراد نے دیکھا.
احمد کی والدہ نے ایک غیر ملکی خبر رساں ایجنسی سے بات کرتے ہوئے کہا کہ میں مسرور ہوں، مصنوعی ٹانگ نے میرے بیٹا کو خود مختار بنا دیا۔
احمد کو آٹھ ماہ کی عمر میں معذوری کا کرب سہنا پڑا. طالبان اور افغان افواج کے درمیان جاری جنگ میں اس کا گھر نشانہ بنا.
جوں جوں احمد کی عمر بڑھتی جائے گی، ٹانگ کو تبدیل کیا جاتا رہے گا، مگر یہ ویڈیو پیغام دیتی ہے کہ کرب کے باوجود ننھا احمد امید کا دامن نہیں چھوڑے گا.
Ahmad received artificial limb in @ICRC_af Orthopedic center, he shows his emotion with dance after getting limbs. He come from Logar and lost his leg in a landmine. This is how his life changed and made him smile. pic.twitter.com/Sg7jJbUD2V
— Roya Musawi (@roya_musawi) May 6, 2019