The news is by your side.

Advertisement

کابل میں افغان شہری خراب حالات کے باوجود ویزے جاری کرنے پر پاکستان کے شکر گزار

اسلام آباد : افغان شہری نے افغانستان میں خراب حالات کے باوجود ویزے جاری کرنے پر پاکستان کا شکریہ ادا کرتے ہوئےکہا حالات بہت خراب ہیں، کچھ پتا نہیں ہے۔

تفصیلات کے مطابق افغانستان میں ہزاروں افغان شہری ویزے کے لیے کابل میں پاکستانی سفارتخانےکےباہر موجود ہے ، صورتحال کے پیش نظر کابل میں بیشترسفارتخانے بند ہوچکے ہیں تاہم پاکستانی سفارتخانہ ویزے جاری کررہا ہے۔

پاکستانی سفارتخانہ انسانی بنیادوں پر عوام کو سہولت فراہم کررہا ہے ، افغان شہری کا کہنا ہے کہ پاکستان کے علاوہ سب سفارتخانے بند ہیں، پاکستان کے شکرگزار ہیں ہمیں ویزے دے رہا ہے۔

افغان شہری کا کہنا تھا کہ افغانستان کے حالات بہت خراب ہیں، کچھ پتا نہیں ہے، پاکستانی سفارتی عملےکےشکرگزارہیں جو ان حالات میں بھی کام کررہے ہیں، ہم بہت پریشان ہیں ہمیں یہاں سے نکال دیں۔

خیال رہے گذشتہ روز افغانستان کے دارلحکومت کابل ایئرپورٹ پر ایک بار پھر فائرنگ سے بھگڈر مچ گئی، جس کے بعد طالبان نے کابل ایئرپورٹ کو عارضی طور پر بند کرنے کا اعلان کیا تھا۔

Comments

یہ بھی پڑھیں