The news is by your side.

Advertisement

24 گھنٹے کے اندر 30 دن کا ٹرانزٹ ویزا: پاکستان کی افغان شہریوں کیلئے نئی ویزا پالیسی

اسلام آباد: وزیراعظم شہباز شریف نے افغان شہریوں کے لیے نئی ویزا پالیسی کی منظوری دے دی، جس کے تحت 24گھنٹے کے اندر 30 دن کا ٹرانزٹ ویزا جاری ہوگا۔

تفصیلات کے مطابق پرائم منسٹر اسٹریٹجک ریفارمز کے سربراہ سلمان صوفی کی جانب سے بیان میں کہا گیا ہے کہ وزیراعظم شہباز شریف نے افغان شہریوں کو درپیش مسائل اورغیر قانونی امیگریشن کی خامیوں کا نوٹس لے لیا۔

شہباز شریف نے پاکستان کے راستے بیرون ملک جانے والے افغان شہریوں کیلئے نئی ویزا پالیسی کی منظوری دے دی، نئی پالیسی کے تحت افغان شہریوں کو 24 گھنٹے کے اندر 30 دن کا ٹرانزٹ ویزا جاری کریں گے۔

سلمان صوفی کا کہنا تھا کہ یہ فیصلہ وزیر داخلہ رانا ثناء اللہ کی تجویز پر کیا گیا، پاکستان میں میزبان سفارت خانہ اور وزارت خارجہ افغان شہریوں کو 30 دن کے ٹرانزٹ ویزے جاری کرنے کے ذمہ دار ہوں گے۔

انہوں نے مزید کہا کہ "ایک بار امیگریشن کی منظوری ملنے کے بعد میزبان ملک سفارت خانے کو مطلع کرے گا اور وزارت 24 گھنٹے کے اندر اس معاملے کو کلیئرنس کے لیے وزارت داخلہ کو بھیجے گی۔”

سربراہ پرائم منسٹر اسٹریٹجک ریفارمز کا کہنا تھا کہ نئی پالیسی افغانیوں کی مدد اور افغانستان کے ساتھ برادرانہ تعلقات کو مضبوط کرنے کے حکومتی عزم کا مظہر ہے۔

Comments

یہ بھی پڑھیں