The news is by your side.

Advertisement

افغان کرکٹر کا بڑا کارنامہ : دھونی کو پیچھے چھوڑ دیا

نئی دہلی : افغانستان کرکٹ ٹیم کے کپتان نے ٹی-20 انٹرنیشنل میچز میں نیا عالمی ریکارڈ بنا دیا۔ اصغر افغان سب سے زیادہ انٹرنیشنل ٹی-20 میچ جیتنے والے کپتان بن گئے ہیں۔

ذرائع کے مطابق بطور کپتان اصغر افغان کی یہ ٹی-20 انٹرنیشنل میں 42 ویں فتح ہے جس کے بعد انہوں نے بھارت کے مہندر سنگھ دھونی کو پیچھے چھوڑدیا۔

افغانستان نے گزشتہ روز تیسرے ٹی-20 میچ میں زمبابوے کو 47 رن سے شکست دی۔ اس کے ساتھ ٹیم نے تین میچوں کی سیریز بھی 0-3 سے جیت لی ہے۔ اس کے پہلے دونوں ٹیموں کے درمیان ٹسٹ سیریز 1-1 سے برابر رہی تھی۔

افغانستان نے پہلے کھیلتے ہوئے7 وکٹ پر 183 رن بنائے۔ نجیب اللہ زادران نے سب سے زیادہ72رن بنائے۔ انہوں نے 35 گیندوں کا سامنا کیا۔ اور5 چوکے اور 5 چھکے لگائے۔ عثمان غنی نے بھی 39 رنوں کااسکور کیا۔ کپتان اصغر افغان نے 24 رن بنائے۔

جواب میں زمبابوے کی ٹیم5 وکٹوں کے نقصان پر 136 رن ہی بنا سکی۔ ریان برل 39 رن اور سکندر رضا 41 رن بناکرناٹ آوٹ رہے۔ کریم جنت نے دو وکٹ حاصل کئے۔

واضح رہے کہ اس میچ کی فتح کے بعد اصغر افغان نے مہندر سنگھ دھونی کو پیچھے چھوڑدیا ہے۔ اصغر افغان نے 52میچز میں کپتانی کی ہے اور 42 میں اپنی ٹیم کو فتح سے ہمکنار کیا۔

بھارتی ٹیم کے سابق مہندرا سنگھ دھونی کی کپتانی میں ٹیم انڈیا نے 72 میں سے 41 میچ میں فتح حاصل کی ہے۔ انگلش کپتان ایان مورگن 33 جیت کے ساتھ تیسرے پر ہیں۔ پاکستان کے سابق کپتان سرفراز احمد نے 29 جبکہ ویسٹ انڈیز کے سابق کپتان ڈیرین سیمی نے بطور کپتان 27 میچ میں جیت دلائی ہے۔

Comments

یہ بھی پڑھیں