The news is by your side.

Advertisement

افغانستان امن کانفرنس آج کابل میں ہو رہی ہے

کابل : افغانستان امن کانفرنس آج کابل میں ہو رہی ہے، اجلاس میں پاکستان بھی شرکت کر رہا ہے۔

تفصیلات کے مطابق افغانستان میں قیام امن کے حوالے سے آج کابل امن سمٹ کا انعقاد ہورہا ہے ، کشیدہ صورتحال کے باوجود  پاکستان کانفرنس میں شرکت کریگا۔

امن کانفرنس میں امریکہ ،چین، پاکستان ،روس، ایران اور بھارت سمیت پچیس ممالک شرکت کرینگے، پاکستان کی نمائندگی تسنیم اسلم اورٖ ڈی جی افغانستان منصوراحمد خان کرینگے۔ فریقین افغان مصالحتی عمل اورامن کےقیام پر تبادلہ خیال کریں گے جبکہ مستحکم اور خوشحال افغانستان سے متعلق امور زیر غور آئیں گے۔

کانفرنس میں طالبان سے مذاکرات اور امن عمل کے مؤثراقدامات پر غور کیا جائے گا۔

کابل میں ہونےوالی کانفرنس کا مقصد افغانستان میں امن کی بحالی کے لیے عالمی برادری کے تعاون کو بڑھانا ہے۔

کابل میں کانفرنس کے پیش نظر سخت سیکیورٹی کے اقدامات کیے گئے ہیں، اضافی چیک پوسٹس قائم کی گئی ہیں اور گلیوں میں سیکیورٹی گاڑیوں کے گشت کو بھی بڑھادیا گیا ہے۔

واضح رہے کہ گذشتہ ہفتے کابل میں غیر ملکی سفارتخانوں کے حساس علاقے میں ٹرک بم دھماکے میں 90 افراد ہلاک اور سیکڑوں زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں