افغان صدر کا وزیراعظم شاہد خاقان عباسی کو ٹیلی فون، منصب سنبھالنے پر مبارکباد -
The news is by your side.

Advertisement

افغان صدر کا وزیراعظم شاہد خاقان عباسی کو ٹیلی فون، منصب سنبھالنے پر مبارکباد

اسلام آباد : افغان صدر اشرف غنی کا وزیراعظم شاہد خاقان عباسی کو ٹیلی فون کیا اور منصب سنبھالنے پر مبارکباد دی ، دونوں رہنماؤں نے خطے کر درپیش چیلنجز سے نمٹنے کےلئے ملکر کام کرنے پر اتفاق کیا۔

ترجمان وزیراعظم ہاؤس کے مطابق افغان صدر اشرف غنی نے وزیراعظم شاہد خاقان عباسی کو فون کرکے منصب سنبھالنے پر مبارکباد دی، افغان صدر کا کہنا تھا کہ پاکستان میں پُرامن انتقال اقتدار جمہوریت کے استحکام کے لئے ضروری ہے۔

وزیراعظم شاہد خاقان عباسی نے افغان صدر کا شکریہ ادا کیا اور کہا کہ دہشت گرد پاکستان اور افغانستان کے مشترکہ دشمن ہیں۔ خطے کی سیکیورٹی, امن خوشحالی کےلئے افغانستان کے ساتھ ملکر کام کریں گے اور دہشت گردی کا خطے سے خاتمہ یقینی بنایا جائے گا۔

دونوں رہنماؤں نے توانائی سمیت دیگر شعبوں میں بھی درپیز چیلنجز سے ملکر نمٹنے پر اتفاق کیا۔


مزید پڑھیں : نو منتخب وزیراعظم شاہد خاقان عباسی ںے اپنے عہدے کا حلف اُٹھا لیا


یاد رہے کہ نواز شریف کے پاناما کیس میں نااہل ہونے کے بعد اسمبلیاں تحلیل ہوگئی تھی ، جس کے بعد مسلم لیگ نواز کی جانب سے شاہد خاقان عباسی کو بطور عبوری وزیر اعظم نامزد کیا تھا۔

قومی اسمبلی کے اجلاس میں نئے وزیر اعظم کے انتخاب کے لیے ووٹنگ ہوئی، جس میں مسلم لیگ ن کے نامزد کردہ امیدوار شاہد خاقان عباسی نے 221 ووٹ حاصل کر کے فتح حاصل کی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Comments

comments

یہ بھی پڑھیں