تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

افغان طالبان نے 10 مغوی فوجیوں کو 6 سال بعد رہا کردیا

کابل: افغانستان کی حکومت کے ترجمان نے تصدیق کی ہے کہ طالبان نے جذبہ خیرسگالی کے تحت 6 سال قبل اغوا کیے جانے والے  افغان فوج کے 10 اہلکاروں کو رہا کردیا۔

غیرملکی خبررساں ادارے کی رپورٹ کے مطابق طالبان نے 6 سال قبل افغان فوج کے 10 اہلکاروں کو اغوا کیا تھا جنہیں انٹرنیشنل کمیونٹی فار ریڈ کراس کی کاوش کے بعد رہائی ملی۔

آئی سی آر سی کی جانب سے جاری بیان میں کہا گیا ہے کہ طالبان نے تمام اہلکاروں کو صوبے ہل مند کے ضلع نہر سراج میں افغان حکام کے حوالے کیا جس کے بعد رہائی پانے والے تمام مغویوں کو حفاظتی مقام پر پہنچایا گیا۔

مزید پڑھیں: امریکا کا طالبان کی قید سے آسٹریلوی اور امریکی پروفیسرز کی بازیابی کا خیرمقدم

یاد رہے کہ چند روز قبل افغان طالبان نے اپنی ساتھیوں کی رہائی کے بعد دو غیرملکی پروفیسرز کو رہا کیا تھا، وفاقی وزیر خارجہ شاہ محمود قریشی کا کہنا تھا کہ پروفیسرز کی رہائی پاکستان کی کاوشوں کا نتیجہ ہیں۔ بین الاقوامی سطح پر طالبان کے اس اقدام اور پاکستان کے کردار کو سراہا گیا تھا۔

غیر ملکی خبررساں ادارے کے مطابق طالبان نے امریکی اور آسٹریلوی پرفیسرز کو تین سال قبل اغوا کیا تھا، افغان صدر اشرف غنی نے غیرملکی مغویوں کے بدلے طالبان کے تین رہنماؤں کو رہا کرنے کا اعلان کیا تھا۔

Comments

- Advertisement -
عمیر دبیر
عمیر دبیر
محمد عمیر دبیر اے آر وائی نیوز میں بحیثیت سب ایڈیٹر اپنے فرائض انجام دے رہے ہیں