The news is by your side.

Advertisement

کابل : افغان طالبان کا حملہ : سیکیورٹی فورسز کے 23 اہلکار ہلاک ہوگئے

کابل : افغان طالبان نے حملہ کرکے سیکیورٹی فورسز کے23 اہلکاروں کو ہلاک کر دیا، ان فوجیوں کو طالبان کے دراندازوں نے نشانہ بنایا، افغان وزارت دفاع کا کہنا ہے کہ23 نہیں نو اہلکار ہلاک ہوئے ہیں۔

تفصیلات کے مطابق افغان طالبان کی جانب سےسیکیورٹی فورسز پر حملوں کا سلسلہ جاری ہے، افغانستان کے وسطی صوبے غزنی میں افغان طالبان کے حملے میں افغان نیشنل آرمی کے23اہلکار ہلاک ہوگئے.

اس حوالے سے غیر ملکی ذرائع ابلاغ کا کہنا ہے کہ افغان طالبان نے سیکیورٹی فورسز کے اندر موجود اپنے جنگجوؤں کی مدد سے23 اہلکاروں کو قتل کیا۔

افغان وزارت دفاع کی جانب سے ٹویٹر پرجاری بیان میں کہا گیا تھا کہ غزنی کے ضلع قراباغ میں طالبان دہشت گردوں نے افغان نیشنل آرمی کے اہلکاروں کو قتل کردیا ہے۔

دوسری جانب وزارت دفاع کے ترجمان فواد امان نے کہا کہ فوجیوں کو طالبان کے دراندازوں نے نشانہ بنایا۔ انہوں نے غزنی کے صوبائی کونسل کے ایک رکن کی جانب سے23 اہلکاروں کی ہلاکت کی خبر کو مسترد کرتے ہوئے کہا کہ حملے نو اہلکار قتل ہوئے۔

اس حملے کے بعد افغان حکومت اور ان کی اتحادی فورسز کو طالبان کی جانب سے مزید خطرناک حملوں کے خدشات میں اِضافے کا خدشہ ظاہر کیا جارہا ہے۔

یاد رہے کہ اس سے قبل افغان طالبان نے 11دسمبر کو ضلع بگرام میں امریکا کی مرکزی ملٹری بیس پر خودکش حملہ کیا تھا جس کے نتیجے میں خاتون سمیت دو افراد ہلاک اور 70 سے زائد زخمی ہوگئے تھے۔

Comments

comments

یہ بھی پڑھیں