The news is by your side.

Advertisement

ترکی کانفرنس، طالبان کا اہم اعلان

کابل: افغان طالبان نے ترکی میں ہونے والی کانفرنس میں شرکت نہ کرنے کا اعلان کر دیا ہے۔

تفصیلات کے مطابق ترجمان افغان طالبان نے کہا ہے کہ وہ 16 اپریل کو ترکی میں منعقد ہونے والی کانفرنس میں شرکت نہیں کریں گے۔

طالبان نے ترکی کانفرنس کے ایجنڈے پر اعتراض کر دیا ہے، افغان طالبان کے ترجمان نے کہا ہے کہ ترکی میں ہونے والی کانفرنس کا ایجنڈا غیر واضح ہے۔

واضح رہے کہ ترکی میں بین الافغان مذاکرات کے لیے ایک اہم کانفرنس کی تیاریاں کی جا رہی ہیں، جس کے سلسلے میں افغانستان کے لیے امریکا کے خصوصی نمائندہ زلمے خلیل زاد ہفتے کو کابل پہنچے تھے۔

ترکی کی وزارت مذہبی امور نے اعلان کیا تھا کہ وہ افغان اور ترک علما اور اسکالرز کے مابین ایک مشترکہ اجلاس منعقد کرنے کا ارادہ رکھتی ہے۔

استنبول میں ہونے والی یہ بین الافغان امن کانفرس اپریل کے پہلے ہفتے متوقع تھی، لیکن طالبان کی جانب سے کانفرنس میں شرکت کے حوالے سے کوئی واضح موقف سامنے نہیں آیا تھا، جس کے بعد 30 مارچ کو زلمے خلیل زاد نے قطر میں ملا عبد الغنی برادر سے ملاقات بھی کی تھی۔

Comments

یہ بھی پڑھیں