ایشیا کپ کا دوسرا بڑا اپ سیٹ، افغان ٹیم کے ہاتھوں‌ بنگلادیش کو عبرتناک شکست -
The news is by your side.

Advertisement

ایشیا کپ کا دوسرا بڑا اپ سیٹ، افغان ٹیم کے ہاتھوں‌ بنگلادیش کو عبرتناک شکست

افغانستان کا اگلا مقابلہ پاکستان کے ساتھ ہوگا

ابوظہبی: ایشیا کپ 2018 کے چھٹے میچ میں افغانستان کی ٹیم نے شاندار کھیل کا مظاہرہ کرتے ہوئے بنگلادیش کو 136 رنز سے شکست دے کر دوسرا بڑا اپ سیٹ کردیا۔

تفصیلات کے مطابق ایشیا کپ 2018 کا چھٹا میچ ابوظہبی کے شیخ زید اسٹیڈیم میں افغانستان اور بنگلادیش کی ٹیموں کے مابین کھیلا گیا، افغان ٹیم کے کپتان اصغر خان نے ٹاس جیت کر پہلے بیٹنگ کا اعلان کیا۔

افغانستان کی ٹیم نے مقررہ 50 اوورز میں 7 وکٹوں کے نقصان پر 255 رنز بنائے اور مخالف ٹیم کو جیت کے لیے 256 رنز کا ہدف دیا۔

افغان بلے باز حشمت اللہ شاہدی 58 ، راشد خان 57 اور گلبدین 42 رنز کے ساتھ نمایاں بلے باز رہے جبکہ شکیب الحسن چار وکٹیں لے کر نمایاں باؤلر رہے اس کے علاوہ ابو حیدر نے 2 اور روبیل حسین نے 1 کھلاڑی کو آؤٹ کیا۔

بنگلادیش کے باؤلرز کی کارکردگی

ہدف کے تعاقب میں بنگلادیشی ٹیم ابتداء سے ہی مشکلات میں نظر آئی، شکیب الحسن 32 اور محمود اللہ 27 رنز بناسکے ، 255 رنز کے جواب میں بنگال ٹائیگرز 119 پر ڈھیر ہوگئی۔

افغان گیند بازوں مجیب الرحمان ، گلبدین نائب اور  راشد خان نے 2 ، 2 وکٹیں حاصل کیں۔

ایشیا کپ میں افغانستان کی ٹیم گروپ اسٹیج میں ناقابل شکست رہی، پہلے میچ میں سری لنکا کو شکست دی اور پھر آج بنگلا دیش کو ہرا دیا۔

اسکور کارڈ بنگلا دیش

سپر فور مرحلے میں پاکستان اور افغانستان کی ٹیمیں کل مد مقابل ہوں گی۔

یاد رہے کہ گروپ بی میں شامل دونوں ہی ٹیمیں سری لنکا کو شکست دینے کے بعد سپر فور مرحلے تک پہلے ہی رسائی حاصل کرچکی ہیں۔

Comments

comments

یہ بھی پڑھیں