جلال آباد: افغان صوبے ننگرہار میں افغان سیکیورٹی فورسز کی کارروائیوں کے باعث عالمی دہشت گرد تنظیم داعش کے بدنام کمانڈرملا نعیم سمیت پندرہ جنگجو ہلاک ہوگئے.
ترجمان افغانستان آرمی نے مقامی خبر رساں ادارے کو انٹرویو دیتے ہوئے کہا کہ ہم نے آپریشن شاہین 25 کے تحت چوبیس گھنٹوں میں کامیاب کارروائی کرتے ہوئے عالمی دہشت گرد تنظیم داعش کے پندرہ بدنام زمانہ کمانڈرز کو مار ڈالا ہے۔
انہوں نے کہا کہ افغان آرمی نے یہ کارروائی غیر ملکی افواج کے باہم تعاون کے ساتھ عمل میں کی ہے، ان کا کہنا تھا کہ مشترکہ کارروائی کے ذریعے سے ہم نے دہشت گردوں کے ٹھکانوں پر فضائی حملے کیے، جس کے نیتجے میں 15 بدنام زمانہ حملہ آور ہلاک ہوئے ہیں۔
ترجمان افغانستان آرمی نے نیوز ایجنسی کو بتا یا کہ اس حملے کے دوران کسی شہری کی جان و مال کو کوئی نقصان نہیں پہنچا ہے۔
انہوں نے مزید کہا کہ داعش کے مظالم کو ایک لفظ میں بیان نہیں کیا جا سکتا ہے، آپریشن شاہین 25 کے حوالے سے انہوں نے مقامی خبر رساں ادارے کو بتایا کہ ہم اس آپریشن کے دائرے کو ملک کے مختلف حصوں میں پھیلائیں گے تاکہ دہشت گردی کے ناسور سے ریاست کو پاک کیا جا سکے.
مزید پڑھیں:پاک فوج کی افغان سرحد پر کارروائی، جماعت الاحرار کے کئی ٹھکانے تباہ
یاد رہے کہ دو روز قبل پاکستان کے چیف آف آرمی اسٹاف نے جی ایچ کیو میں معنقد سیکیورٹی کے حوالے سے اعلٰی سطح کے اجلاس میں افغان فورسز کے ساتھ بارڈر کوآرڈینیشن اور تعاون مزید بہتربنانے کی ہدایت کی تھی۔
مزید پڑھیں:دہشت گردوں کے خلاف بلارنگ ونسل کارروائی ہوگی‘آرمی چیف
اس ملاقات کے حوالے سے ڈی جی آئی ایس پی آر کا کہنا ہے کہ مطابق اجلاس کے دوران آرمی چیف جنرل قمر باجوہ نے دہشت گردی کے خلاف نتیجہ خیز تعاون کے لئے افغان تجاویز کاخیر مقدم بھی کیا تھا۔
