The news is by your side.

Advertisement

آسٹریلیا کی ٹیسٹ منسوخ کرنے کی دھمکی، افغان بورڈ کا ردعمل آگیا

کابل: آسٹریلیا کی ٹیسٹ منسوخ کرنے کی دھمکی پر افغانستان کرکٹ بورڈ کا ردعمل آگیا۔

تفصیلات کے مطابق افغانستان کرکٹ بورڈ کے سی ای او حامد شنواری کا کہنا ہے کہ آسٹریلیا کی ٹیسٹ منسوخ کرنے کی دھمکی سے مایوسی ہوئی، افغانستان تبدیلیوں سے گزر رہا ہے، خواتین کرکٹ سے متعلق خبریں ابتدائی ہیں۔

انہوں نے کہا کہ خواتین کی کرکٹ تشکیل پارہی ہے، افغانستان بورڈ خواتین سے متعلق پالیسی کو تبدیل نہیں کرسکتا۔

حامد شنواری نے کہا کہ کلچر اور مذہب کے معاملے پر ہمارا بائیکاٹ نہ کیا جائے، آسٹریلیا کے خلاف ٹیسٹ میچ آئندہ نسلوں کے لیے مشعل راہ ہوگا۔

مزید پڑھیں: آسٹریلیا نے افغان کرکٹ ٹیم کی میزبانی کیلئے بڑی شرط رکھ دی

واضح رہے کہ آسٹریلوی کرکٹ بورڈ نے افغانستان کرکٹ ٹیم کی میزبانی کو افغان ویمن کرکٹ ٹیم کی حمایت سے مشروط ‏کردیا۔

آسٹریلوی کرکٹ بورڈ نے افغانستان کی عبوری حکومت کی جانب سے خواتین کے کھیلوں میں حصہ نہ لینے کے ‏بیان پر ردعمل دیتے ہوئے کہا تھا کہ وویمن کرکٹ کی دنیا بھر میں کامیابی کرکٹ آسٹریلیا کے لیے اہمیت کی حامل ‏ہے۔

کرکٹ آسٹریلیا کا کہنا تھا کہ اگر میڈیا رپورٹس ثابت ہو گئیں کہ ویمن کرکٹ کو افغانستان میں سپورٹ نہیں کیا ‏جائے گا تو افغانستان کی میزبانی نہیں کریں گے۔

خیال رہے کہ نومبر میں آسٹریلیا کی میزبانی میں افغان کرکٹ ٹیم ٹیسٹ سریز کھیلنے کےلیے ہوبارٹ جائے گی۔

Comments

یہ بھی پڑھیں