تازہ ترین

افغانستان: پیدائش کے 3 گھنٹے کے بعد نومولود پر قیامت ٹوٹ پڑی

کابل: افغان دارالحکومت میں شدت پسندوں کے حملے کے نتیجے میں زخمی ہونے والی نومولود کی زندگی بچ گئی۔

غیرملکی خبررساں ادارے کی رپورٹ کے مطابق گزشتہ منگل دہشت گردوں نے کابل میں میٹرنٹی ہوم کو نشانہ بنایا اس دوران ایک ایسی نومولود بچی ٹانگ میں گولی لگنے سے زخمی ہوئی جس کی صرف تین گھنٹے پہلے ہی پیدائش ہوئی تھی۔

رپورٹ کے مطابق حملے میں مذکورہ بچی کی ماں گولی لگنے سے موقع پر ہی ہلاک ہوگئی تھی، سرکاری میٹرنٹی ہوم میں مجموعی طور پر 24 ہلاکتیں ہوئیں جن میں 2 بچے، خواتین اور نرس سمیت ڈاکٹرز بھی شامل ہیں۔

افغانستان: جنازے میں خودکش حملہ، 25 افراد ہلاک، درجنوں زخمی

منگل کے روز صبح کے وقت میٹرنٹی ہوم میں تین شدت پسند داخل ہوئے اور اندھا دھند فائرنگ شروع کردی جس کے باعث 24 افراد کی ہلاکتیں ہوئیں، مذکورہ دہشت گردانہ واقعے پر سوشل میڈیا پر بھی سوگ منایا گیا تھا۔

سماجی رابطے کی ویب سائٹ ٹوئٹر پر ٹرینڈ کے ذریعے صارفین نے کابل حملے میں ہلاک ہونے والے بچوں اور ڈاکٹروں کو خراج تحسین پیش کیا۔ شہریوں کا شدید غم وغضے کا اظہار کرتے ہوئے کہنا تھا وہ انسان ہی نہیں ہوسکتے جو بچوں کو بے دردی سے قتل کریں۔ خیال رہے کہ مذکورہ حملے کی ذمے داری داعش نے قبول کی تھی۔

Comments

- Advertisement -