افغانستان: طالبان کے دہشت گرد حملے، 40 سیکیورٹی اہلکار ہلاک، حکام کی تصدیق
The news is by your side.

Advertisement

افغانستان: طالبان کے دہشت گرد حملے، 40 سیکیورٹی اہلکار ہلاک

کابل: افغانستان کے مختلف صوبوں میں دہشت گرد حملوں کے نتیجے میں 40 سیکیورٹی اہلکار ہلاک جبکہ متعدد زخمی ہوگئے۔

تفصیلات کے مطابق عسکریت پسندوں کی جانب سے افغانستان کے شمالی اور مغربی صوبوں میں دہشت گرد حملے کیے گئے جس کے باعث چالیس سیکیورٹی اہلکار ہلاک اور کئی زخمی ہوگئے۔

غیر ملکی خبر رساں ادارے کا کہنا ہے کہ ان حملوں میں 25 سیکیورٹی اہلکار زخمی ہوئے، طالبان نے بھی ان حملوں کی ذمہ داری قبول کر لی ہے۔

طالبان کی جانب سے مختلف صوبوں میں سیکیورٹی چیک پوسٹوں کو نشانہ بنایا گیا، افغان فورسز نے جوابی کارروائی کرتے ہوئے متعدد حملہ آوروں کو بھی ہلاک کردیا۔

افغانستان: طالبان کا تیل کے کنوؤں پر حملہ، 23 سیکورٹی اہل کار ہلاک

خیال رہے کہ گذشتہ ہفتے افغانستان کے ایک صوبے میں تیل کے چھوٹے کنوؤں پر طالبان کے تباہ کن حملے میں افغان سیکیورٹی فورسز کے 23 اہل کار ہلاک ہو گئے تھے۔

یاد رہے کہ طالبان کی جانب سے ایسے وقت میں تقریباً روز حملے ہو رہے ہیں جب کہ امریکا افغانستان میں 17 سالہ طویل جنگ سے مذاکرات کے ذریعے باہر نکلنا چاہ رہا ہے اور ہم سایہ ممالک طالبان کو مذاکرات کی میز پر لانے کے لیے کوششیں کر رہے ہیں۔

Comments

comments

یہ بھی پڑھیں