The news is by your side.

Advertisement

افغانستان نے بال آسٹریلیا کی کورٹ میں پھینک دی

افغان کرکٹ بورڈ نے آسٹریلیا کی جانب سے شرط عائد کیے جانے پر واضح کیا ہے کہ ٹی20ورلڈکپ کے بعد ‏افغانستان کی ٹیم آسٹریلیا جائےگی۔

چیئرمین افغان کرکٹ بورڈ عزیز اللہ فضلی کا کہنا ہے کہ ٹیسٹ کھیلنےآسٹریلیا جانا چاہتے ہیں فیصلہ آسٹریلیا کو ‏کرنا ہے مگر آسٹریلیا کی کسی منفی بات پرردعمل نہیں دینا چاہتے۔

انہوں نے کہا کہ ٹی20ورلڈکپ کے بعد افغانستان کی ٹیم آسٹریلیا جائے گی۔

آسٹریلیا نے افغان کرکٹ ٹیم کی میزبانی کیلئے بڑی شرط رکھ دی

آسٹریلوی کرکٹ بورڈ نے افغانستان کرکٹ ٹیم کی میزبانی کو افغان وویمن کرکٹ ٹیم کی حمایت سے مشروط ‏کردیا

آسٹریلوی کرکٹ بورڈ نے افغانستان کی عبوری حکومت کی جانب سے خواتین کے کھیلوں میں حصّہ نہ لینے کے ‏بیان پر ردعمل دیتے ہوئے کہا کہ وویمن کرکٹ کی دنیا بھر میں کامیابی کرکٹ آسٹریلیا کے لیے اہمیت کی حامل ‏ہے۔

کرکٹ آسٹریلیا نے کہا کہ اگر میڈیا رپورٹس ثابت ہو گئیں کہ ویمن کرکٹ کو افغانستان میں سپورٹ نہیں کیا ‏جائے گا تو افغانستان کی میزبانی نہیں کریں گے۔

خیال رہے کہ نومبر میں آسٹریلیا کی میزبانی میں افغان کرکٹ ٹیم ٹیسٹ سریز کھیلنے کےلیے ہوبارٹ جائے گی۔

واضح رہے کہ ترجمان طالبان احمد اللہ واثق نے خواتین کے کھیلوں میں شریک ہونے سے متعلق کہا تھا کہ ‏افغانستان میں خواتین کے کرکٹ سمیت کھیلوں کی دیگر سرگرمیوں میں شرکت کرنے پر پابندی ہوگی کیوں کہ ‏اس سے بے پردگی عام ہوتی ہے۔

ترجمان طالبان نے کہا تھا کہ امارت اسلامیہ افغانستان ایسے کسی لباس کی اجازت نہیں دے گی جس سے جسم ‏نمایاں ہو۔

Comments

یہ بھی پڑھیں