The news is by your side.

Advertisement

ہیمبرگ : جرمن شہری کی فائرنگ سے افغان مہاجر قتل

برلن : جرمنی میں افغان نژاد جرمن شہری نے نامعلوم وجوہات کی بنا پر فائرنگ کرکے افغان تارک وطن کو قتل کردیا، پولیس نے قتل کی تحقیقات کا آغاز کردیا ہے۔

تفصیلات کے مطابق یورپی یونین کے رکن ملک جرمنی کے شہر ہیمبرگ میں ایک روز قبل مشتبہ شخص نے فائرنگ تارکین وطن پر فائرنگ کردی تھی، جس کے نتیجے میں ایک افغان مہاجر موقع پر ہلاک ہوگیا تھا، پولیس نے کارروائی کرتے ہوئے مشتبہ شخص کو فوری گرفتار کرلیا۔

جرمن خبر رساں ادارے کا کہنا تھا کہ جرمن شہری کی فائرنگ سے قتل ہونے والے افغان شہری کی عمر 26 برس بتائی جارہی ہے، تاہم افغانی نوجوان کے قتل کی وجوہات معلوم نہیں ہوسکی ہے۔ البتہ پولیس نے ملزم کو حراست میں لے کر تفتیش کا آغاز کردیا ہے۔

غیر ملکی خبر رساں ادارے کے مطابق پولیس کا کہنا تھا کہ افغان مہاجر کو قتل کرنے والا حملہ آور افغان نژاد جرمن شہری ہے۔

جرمن پولیس کا کہنا تھا کہ مقتول ہیمبرگ کے فٹنس کلب سے باہر آیا تو پارکنگ ایریا میں پہلے موجود حملہ آور پر نے فائرنگ کرکے افغان مہاجر کو ہلاک کردیا، جس کے گاڑی میں فرار ہونے کی کوشش کررہا تھا مگر پولیس نے فوری کارروائی کرتے ہوئے حملہ آور کو حراست میں لے کر تحقیقات کا آغاز کردیا ہے۔

پولیس ترجمان کا کہنا تھا کہ مذکورہ واقعہ منظم مجرمانہ کارروائی ہے، جس کی تفتیش جاری ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں