لاہور : پاکستان ٹیم کے سابق کپتان شاہد خان آفریدی نے مقبوضہ کشمیرمیں ننھی آصفہ سے درندگی کے واقعے کی مذمت کرتے ہوئے کہا کہ مجرموں کوسخت ترین سزادےکر ایسی عبرت کی مثال بنائیں کہ کسی کی بیٹی سے پھرزیادتی نہ ہوسکے۔
تفصیلات کے مطابق قومی کرکٹ ٹیم کے سابق کپتان شاہد خان آفریدی نے سماجی رابطے کی ویب سائٹ ٹوئٹر پر مقبوضہ کشمیرمیں ننھی آصفہ سے درندگی کے ہولناک واقعے کی شدید مذمت کرتے ہوئے کہا کہ قصورکی زینب ہویاجموں کی آصفہ درندگی کی مذمت کرنی چایئے، مجرموں کو سخت ترین سزا دے کر عبرت کی مثال بنا دیں، عبرت کی ایسی مثال ہوکہ کسی کی بیٹی سےپھرزیادتی نہ ہوسکے۔
Whether 6yr old Zainab of Kasur or 8yr old Asifa of Jammu,these barbaric inhumane acts shud b condemned & those behind shud be punished to the max,let these cases be a lesson for the culprits whr no daughter will ever be subjected to this henious act #NeverAgain #JusticeforAsifa
— Shahid Afridi (@SAfridiOfficial) April 13, 2018
دوسری جانب مقبوضہ کشمیر میں آٹھ سالہ بچی آصفہ بانوسے زیادتی اورقتل پر کشمیری سراپا احتجاج اور مجرموں کو فوری گرفتار کر کے پھانسی دینے کا مطالبہ کر رہے ہیں۔
پوری دنیا بھارت سے مطالبہ کررہی ہے کہ آصفہ بانوکوانصاف دو۔
آصفہ بانو کے والدین نے پولیس اورانتظامیہ کو واقعہ کا ذمہ دار قرار دیتے ہوئے کہا کہ آٹھ سالہ معصوم بچی نے ان کا کیا بگاڑا تھا ۔
مزید پڑھیں : مقبوضہ کشمیر: آٹھ سالہ بچی زیادتی کے بعد قتل، وادی میں شدید مظاہرے، فنکاروں کا احتجاج
بالی وُڈ اداکار انوشکا شرما ، پریانکا چوپڑا ، نواز الدین صدیقی ،زائرہ وسیم اور دیگر نے مجرموں کو کڑی سزا دینے کا مطالبہ کر رہے ہیں۔
یاد رہے کہ مقبوضہ کشمیر میں چرواہے کی بیٹی آصفہ بانو کو جنوری میں مویشی چرانے گئی تھی، جسے ہندو پولیس اہلکاروں نے اغواکیا اور مندرمیں قید کرکے کئی روز زیادتی کا نشانہ بنانے کے بعد بے دردی سے قتل کرکے جھاڑیوں میں پھینک دیا۔
