site
stats
کھیل

آفریدی اور دھونی برطانوی مسلح افواج کے لئے فلاحی میچ کھیلیں گے

لندن :بوم بوم آفریدی اور مہندر سنگھ دھونی برطانوی مسلح افواج کے لئے فلاحی میچ کھیلیں گے

پاکستان ٹی ٹوئنٹی کے کپتان بوم بوم شاہد آفریدی 17 ستمبر کو کرکٹ فار ہیروز کے نام سے اوول میں ہونے والے فلاحی میچ میں شرکت کریں گے، برطانوی فلاحی تنظیم ’ہیلپ فار ہیروز‘ کے لیے کھیلنے جانے والے اس میچ میں شاہد آفریدی کے ساتھ ساتھ ہندوستانی کپتان مہندرا سنگھ دھونی اور وریندر سہواگ بھی شرکت کریں گے۔

اس ٹیم کا مقابلہ ریسٹ آف ورلڈ الیون سے ہوگا جس کی قیادت کیوی کپتان برینڈن میک کولم کریں گے جبکہ ٹیم میں میتھیوز ہیڈن، مہیلا جے وردنے، برائن لارا، ڈینیئل ویٹوری اور گریم اسمتھ جیسے سابق سپر سپر اسٹار بھی شامل ہیں۔

اس میچ کا مقصد برطانوی فلاحی تنظیم کیلئے امداد جمع کرنے میں مدد کرنا ہے جو فوج میں زخمی ہونے والوں اور ان کے اہلخانہ کی مدد کرتی ہے۔

میچ سے پہلے دھونی ، آفریدی سمیت دیگر کھلاڑیوں کے اعزاز میں برطانوی وزیر اعظم ڈیوڈ کمیرون کی جانب سے عشائیہ دیا جائے گا جبکہ کھلاڑیوں کی میزبانی کے فرائض سیکریٹری دفاع مائیکل فالن کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top