The news is by your side.

Advertisement

شاہد آفریدی کی تیزترین سنچری کی چوبیسویں سالگرہ، ویڈیو دیکھیں

کراچی: قومی کرکٹ ٹیم کے سابق کپتان اور آل راؤنڈر شاہد خان آفریدی کی تیز ترین سنچری کو آج چار اکتوبر کے دن پورے چوبیس سال مکمل ہوگئے۔

شاہد خان آفریدی نے چار اکتوبر 1996 کو سری لنکا کے خلاف ایک روزہ میچ میں 37 گیندوں پر گیارہ چھکوں اور 6 چوکوں کی مدد سے او ڈی آئی کی پہلی تیز ترین سنچری اسکور کی تھی۔

برق رفتاری سے سنچری اور جارحانہ انداز سے کھیلنے کی وجہ سے آفریدی کو لالا اور بوم بوم جیسے لقب بھی ملے۔

یاد رہے کہ آفریدی نے اس میچ سے ڈیبیو کیا، اُس وقت اُن کی عمر صرف 19 سال تھی، پہلے ہی میچ میں ایسی شاندار کارکردگی کا مظاہرہ دکھایا کہ جس کے بعد اُس کا مستقبل روشن ہوگیا۔

چوبیس سال گزرنے کے باوجود بھی شائقین سابق کپتان کی وہ یادگار سنچری نہیں بھول سکے، یہی وجہ ہے کہ آج سماجی رابطے کی ویب سائٹ پر لالا کے نام سے ٹرینڈ چلا اور لوگوں نے اس یادگار ویڈیو کو شیئر کیا۔

آئی سی سی نے بھی شاہد آفریدی کی ریکارڈ اننگز کو تازہ کیا اور اس حوالے سے ایک ٹویٹ کیا۔

Comments

یہ بھی پڑھیں