کراچی: فیفا آف دی ائیر کا دو بار ٹائٹل اپنے نام کرنے والے معروف برازیلین فٹبالر نے کہا ہے کہ شاہد آفریدی نے پاکستان آمد پر خود آمدید کہا جس کی بے حد خوشی ہے، پاکستان کے دورے کا بے تابی سے انتظار ہے۔
پاکستان کے نامور اسٹار کرکٹر شاہد آفریدی کی شہرت بدستور برقرار ہے اور اب برازیل کے معروف فٹبالر اور دو بار فیفا کا ٹائٹل اپنے نام کرنے والے رونالڈینیو نے بھی شاہد آفریدی کی تعریفوں کے پُل باندھ دیے۔
سماجی رابطے کی ویب سائٹ پر رونالڈینیو نے کہا کہ ’’خوشی ہے شاہد آفریدی نے پاکستان آنے کیلئےخوش آمدید کہا، بوم بوم پاکستانی کرکٹ کے ہیرو ہیں‘‘۔ انہوں نے مزید کہا کہ جولائی میں پاکستان کے دورے کا بےتابی سے انتظار ہے۔
Feliz pelas palavras Shahid Afridi BOOM BOOM herói de críquete do Paquistão. Aguardo c grande expectativa minha visita ao Paquistão em julho
— Ronaldinho Gaúcho (@10Ronaldinho) March 15, 2017
یاد رہے معروف برازیلین فٹبال رونالڈینیو نے گزشتہ دنوں سماجی رابطے کی ویب سائٹ پر پاکستان آنے کی تصدیق کرتے ہوئے کہا تھا کہ ’’پاکستانیوں میں آرہا ہوں‘‘۔
فیفا آف دی ایئر کا ٹائٹل اپنے نام کرنے والے فٹبالر پاکستان کے دورے کے موقع پر لیژئیر لیگ کی جانب سے منعقدہ آزمائشی میچ بھی کھیلیں گے، سیکیورٹی خدشات کے پیش نظر میچ کی تاریخ کا اعلان نہیں کیا گیا اور نہ ہی تفصیلات مہیا کی گئی ہیں۔برازیلن فٹبالر کی پاکستان آمد کا مقصد ملک میں بالخصوص فٹبال اور بالعموم کھیلوں کو فروغ دینا ہے۔