The news is by your side.

Advertisement

چین کے کامیاب دورے کے بعد شاہ محمود قریشی وطن واپس پہنچ گئے

اسلام آباد : وزیرخارجہ شاہ محمود قریشی چین کے کامیاب دورے کے بعد وطن واپس پہنچ گئے، وزرائے خارجہ نے مشترکہ مفادات کے تحفظ، امن، خطےکی ترقی کے اقدامات اور کورونا کے انسداد کے لیے ویکسین کی مشترکہ تیاری پر بھی اتفاق کیا گیا۔

تفصیلات کے مطابق وزیر خارجہ مخدوم شاہ محمود قریشی چین کے دو روزہ دورے کے بعد وطن واپس پہنچ گئے، وطن روانگی کے موقع پر حینان ہوائی اڈے پروزارت خارجہ چین کے حکام نے وفد کو الوداع کہا۔

چینی حنان میں پاک چین وزرائےخارجہ ملاقات کا اعلامیہ جاری کیا گیا ، جس میں کہا گیا شاہ محمودقریشی اوروانگ ژی میں اسٹریٹجک مذاکرات کا دوسرا دور ہوا، مذاکرات میں وزرائے خارجہ نے کورونا، تعلقات ، عالمی اور علاقائی معاملات پر گفتگو کی۔

مذاکرات میں مشترکہ مفادات کےتحفظ،امن،خطےکی ترقی کےاقدامات اور کوروناکےانسدادکےلیےویکسین کی مشترکہ تیاری پر بھی اتفاق کیا گیا۔

وزرائےخارجہ نےکوروناکوسیاسی رنگ اورالقاب دینےکی مخالفت کرتے ہوئے عالمی صحت پرڈبلیوایچ اوکےکردارکی حمایت کی، دونوں ممالک نے ایک دوسرے کے قومی مفادات کو تحفظ دینے پر بھی اتفاق کیا۔

مشترکہ اعلامیہ میں کہا گیا کہ چین نےپاک چین آہنی بھائیوں کےعزم کودہرایا، چین نےپاکستان کےخطےمیں مضبوط شراکت ہونے کے اعادہ کیا۔

Comments

یہ بھی پڑھیں