ایچ بی ایل پاکستان سپر لیگ 8 میں گزشتہ روز لاہور قلندرز نے ملتان سلطانز کو ہرایا میچ کے بعد کپتان محمد رضوان نے شکست کی وجہ بولنگ اور بیٹنگ دونوں کو قرار دیا۔
اے آ ر وائی نیوز کے مطابق ایچ بی ایل پاکستان سپر لیگ سیزن 8 کے بیسویں میچ میں دفاعی چیمپئن لاہور قلندرز نے ملتان سلطانز کو 21 رنز سے شکست دے دی اور پلے آف میں پہنچنے والی پہلی ٹیم بھی بن گئی۔ میچ کے بعد ملتان سلطانز کے کپتان محمد رضوان نے گفتگو میں ٹیم کی شکست کی بڑی وجہ بتا دی۔
محمد رضوان نے شکست کی وجہ بولنگ اور بیٹنگ دونوں کو قرار دیا۔ انہوں نے کہا کہ جب 20 اوورز کے میچ میں 23 اوورز کرائیں گے تو ایسا ہی نتیجہ آئے گا۔
یہ بھی پڑھیں: آج اِن فارم یونائیٹڈ اور مشکلات میں گھرے گلیڈیئٹرز ٹکرائیں گے
سلطانز کے کپتان نے بلے بازوں کی کارکردگی پر بھی بات کی اور کہا کہ مڈل اوورز میں ہم اچھی بیٹنگ نہیں کر پا رہے ہیں۔ جلد اس مسئلے کا حل ڈھونڈنا پڑے گا۔