The news is by your side.

Advertisement

سرکاری اسکول کے اساتذہ کے بعد پرنسپل بھی گھر بیٹھے تنخواہ لینے لگے

کراچی: وزیر تعلیم سندھ کی ہدایت کے باوجود صوبے میں 19 گریڈ کے پرنسپل اسکول سے غیر حاضر ہیں اور گھر بیٹھے تنخواہ حاصل کررہے ہیں۔

تفصیلات کے مطابق محکمہ تعلیم سندھ نے واقعے پر کارروائی کا آغاز کردیا، چیف سیکریٹری سندھ نے عبد الرحیم بھلکانی کو شوکاز نوٹس جاری کردیا ہے۔ عبدالرحیم لیاری میں غازی محمد بن قاسم گورنمنٹ اسکول میں پرنسپل تھے۔

27فروری کو وزیرتعلیم کے اچانک دورے پر اسکول پر نسپل غیرحاضر پائے گئے۔ مسلسل غیرحاضری پر پرنسپل کا تبادلہ میرپورخاص کے سرکاری اسکول میں کردیا گیا تھا۔

بلوچستان میں سینکڑوں گھوسٹ اساتذہ برطرف

12 مئی کو پرنسپل نے میرپورخاص کے سرکاری اسکول میں جوائننگ دینی تھی۔ میرپورخاص کے اسکول میں غیرحاضری پرپرنسپل کو آخری وارننگ اور شوکاز جاری کردیا گیا ہے۔

خیال رہے کہ اس سے قبل سرکاری اسکول کے اساتذہ کی گھر بیٹھے تنخواہیں لینے کی خبریں منظر عام پر آئی تھیں جس پر حکومت نے کارروائی کی اور کئی اساتذہ کو نوکریوں سے فارغ بھی کردیا گیا تھا۔

Comments

یہ بھی پڑھیں