لسبیلہ ہیلی کاپٹر حادثے کے بعد صدر اور وزیراعظم ہاؤس میں رابطوں کا انکشاف ہوا ہے جس میں صدر نے کہا سپریم کمانڈر ہوں جنازے میں جانا چاہتا ہوں۔
اے آر وائی نیوز کے پروگرام میں دی رپورٹرز میں ذرائع کے حوالے سے انکشاف کیا گیا ہے کہ لسبیلہ ہیلی کاپٹر حادثے کے بعد صدر اور وزیراعظم ہاؤس رابطہ ہوا تھا جس میں صدر مملکت ڈاکٹر عارف علوی نے کہا کہ میں فوج کا سپریم کمانڈر ہوں اور جنازے میں جانا چاہتا ہوں۔
ذرائع کے مطابق وزیراعظم ہاؤس سے صدر کو جواب دیا گیا کہ ابھی نہیں پہلے وزیراعظم جائیں گے۔
ذرائع نے بتایا کہ وزیراعظم ہاؤس کی جانب سے روکنے کے بعد صدر کیخلاف مہم چلائی گئی اور یہ تاثر یہ دیا گیا کہ شہدا کے لواحقین صدر سے ملنا نہیں چاہتے۔
ذرائع کا کہنا تھا کہ پارلیمانی نظام کے تحت صدر کو کہیں آنے جانے کیلیے وزیراعظم کی مرضی درکار ہوتی ہے اور صدر کی جانب سے وزیراعظم ہاؤس کو آگاہ کرنا ہوتا ہے جو ان کی آمدورفت کے انتظامات کرتی ہے۔
