سڈنی: لارڈز کے تاریخی میدان کے بعد آسٹریلیا کے سڈنی کرکٹ گراؤنڈ میں بھی اذان کی آواز گونج اٹھی۔
تفصیلات کے مطابق سڈنی کرکٹ گراؤنڈ میں سابق کپتان یونس خان کے بھائی کامل خان نے عید ملن پارٹی کا اہتمام کیا جس میں وقار یونس اور آسٹریلوی فاسٹ بولر بریٹ لی سمیت کئی نامور شخصیات نے شرکت کی۔
تقریب کا انعقاد کرنے والے یونس خان کے بھائی کامل خان ایک انٹر پرینور ہیں اور کرکٹ اکیڈمی چلاتے ہیں۔
Proud to have hosted the first-ever Eid-ul-Fitr dinner at @scg, featuring sporting greats @waqyounis99, @BrettLee_58 & @SonnyBWilliams. The first its kind at any cricket venue, special occasion. Many thanks to High Commissioner of Pakistan @Zhchaudhri & @HockleyNick (CEO CA) too. pic.twitter.com/v17uhASgk9
— kamil khan (@13kamilkhan) May 18, 2022
سڈنی کرکٹ گراؤنڈ میں عید ملن پارٹی کے دوران نماز مغرب کے وقت اذان دے کر باجماعت نمازادا کی گئی۔
اس حوالے سے آسٹریلیا میں پاکستانی ہائی کمشنر زاہد حفیظ چوہدری نے بھی سوشل میڈیا پر چند تصاویر شیئر کیں اور کہا کہ سڈنی کرکٹ گراؤنڈ میں اذان کی آواز گونجنا آسٹریلیا میں مختلف ثقافتوں، عقائد، نسلوں کا ایک حقیقی امتزاج ہے۔
Glad to be part of Eid celebrations at Sydney Cricket Ground organised by @13kamilkhan 👏.Calling of Azan at @scg was amazing-a true manifestation of cultural diversity of Australia-a melting pot of different faiths, cultures & ethnicities @PkPublicDiplo @waqyounis99 @CricketAus pic.twitter.com/XLtgyQrxLb
— Zahid Hafeez Chaudhri (@Zhchaudhri) May 18, 2022
واضح رہے کہ گزشتہ ماہ انگلینڈ اینڈ ویلز کرکٹ بورڈ کی جانب سے ہوم آف کرکٹ لارڈز میں پہلی بار افطار کا اہتمام کیا گیا تھا جس میں کئی اہم شخصیات نے شرکت کی تھی۔
لارڈز کے لانگ روم میں اذان مغرب نے مہمانوں کے دل چھو لیے جس کی ویڈیو سوشل میڈیا پر وائرل ہوگئی تھی۔
You need not be a person of faith, only a person in possession of a soul, to find the adhan call to prayer reverberating around the @HomeOfCricket Long Room spine-tingling. A beautiful moment. pic.twitter.com/PGN2EsksOC
— Nakul Pande (@NakulMPande) April 21, 2022
