اسلام آباد: آئی ایم ایف کے مشن چیف برائے پاکستان نیتھن پورٹر کا کہنا ہے کہ نویں جائزہ کی کامیابی کے بعد پاکستان سے اسٹاف لیول معاہدہ ہوسکے گا۔
تفصیلات کے مطابق آئی ایم ایف کے مشن چیف برائے پاکستان نیتھن پورٹر نے اپنے بیان میں کہا ہے کہ پاکستان کے ساتھ 9 ویں جائزہ پر مسلسل کام کر رہے ہیں اور نویں جائزہ کو مکمل کرنے کیلئے ضروری اصلاحات کا جائزہ لیا جا رہا ہے۔
مشن چیف آئی ایم ایف کا کہنا تھا کہ نویں جائزہ کامیابی سے مکمل ہونے پر پاکستان کی ضروری فنانسنگ جاری ہوگی، نویں جائزہ کی کامیابی سے اسٹاف لیول معاہدہ ہوسکے گا۔
یاد رہے دو روز قبل آئی ایم ایف مشن چیف ناتھن پورٹر کی جانب سے بیان میں کہا گیا تھا کہ آئی ایم ایف پاکستان کےبجٹ 24-2023پربات کرے گا، بجٹ کےاہم اہداف،مالیاتی خسارے پربات چیت کی جائے گی۔
ناتھن پورٹر کا کہنا تھا کہ مالیاتی خسارے عملے کی سطح کےمعاہدےکی منظوری آخری رکاوٹوں میں سے ایک ہے، پاکستان کیلئے ادائیگیوں کے شدید توازن کے بحران کو حل کرنے کے لیےانتہائی اہم ہے۔
کنٹری مشن چیف نے کہا تھا کہ آئی ایم ایف نے 1.1 بلین ڈالر کی فنڈنگ جاری کرنے کےعملے کی سطح کے معاہدے کی منظوری دینی ہے۔
ان کا کہنا تھا کہ وزارت خزانہ نےرائٹرزکی جانب سےتبصرہ کرنے کی درخواست کا فوری طور پر جواب نہیں دیا، حکومت نے کہاتھا کہ بیرونی فنانسنگ اس معاہدے کے لیے آخری رکاوٹ ہے۔
