The news is by your side.

Advertisement

معاہدے کے بعد حکومت کا ٹی ایل پی سے متعلق بڑا فیصلہ

لاہور: تحریک لبیک پاکستان اور حکومت کےدرمیان معاہدے پر اہم پیش رفت سامنے آئی ہے۔

ذرائع محکمہ داخلہ کے مطابق سعدرضوی سمیت کارکنوں کیخلاف 40 مقدمات واپس لینے کا فیصلہ کیا گیا ہے۔ ‏‏3سال یا 3سال سےکم سزاوالےمقدمات واپس لئےجائیں گے۔

ذرائع کا کہنا ہے کہ دوسرےمرحلےمیں 5سال یا اس سےکم والےمقدمات واپس ہوں گے سعد رضوی کیخلاف ‏مقدمات کو قانونی طریقے سے دیکھا جارہا ہے۔ ‏

ذرائع کے مطابق پنجاب حکومت نے مقدمات واپس لینے کیلئے اقدامات شروع کر دئیے ہیں۔

7نومبر کو وفاقی کابینہ نے تحریک لبیک پاکستان کو کالعدم جماعتوں کی فہرست سے نکالنے کی منظوری دی ‏تھی۔

وفاقی کابینہ کی جانب سے دی جانے والی منظوری کی سمری وزارتِ داخلہ کو موصول ہوئی جس کی روشنی میں ‏وزارت داخلہ نے ٹی ایل پی کو کالعدم جماعتوں کی فہرست سے نکالنے کا نوٹی فکیشن جاری کردیا، جس کے بعد ‏ٹی ایل پی پر عائد سیاسی پابندیاں ختم ہوگیں۔

Comments

یہ بھی پڑھیں