The news is by your side.

Advertisement

کرونا کو شکست، نیوزی لینڈ کے بعد ایک اور ملک سے اچھی خبر آگئی

ایڈنبرگ: اسکاٹ لینڈ میں گزشتہ 24 گھنٹے کے دوران کروناوائرس سے ایک بھی موت واقع نہیں ہوئی، ملک میں مہلک وبا کے پھیلاؤں کے بعد پہلی مرتبہ ’زیرو دیتھ‘ ریکارڈ کی گئی۔

غیرملکی خبررساں ادارے کی رپورٹ کے مطابق نیوزی لینڈ میں کروناوائرس کو شکست ہوچکی ہے اور اب اسکاٹ لینڈ سے بھی مثبت خبر سامنے آئی ہے، ملک میں گزشتہ چوبیس گھنٹے کے دوران ایک بھی موت نہ ہونے پر ڈاکٹرز اور طبی عملے نے کرونا کے خلاف جنگ میں بڑی اہم کامیابی قرار دیا ہے۔

اسکاٹش حکومت نے ہفتے کے روز ایک اعداد وشمار جاری کیا جس کے مطابق ملک میں مجموعی طور پر 2415 اموات ہوئیں اور اتوار کے دن ان اموات میں ایک بھی اضافہ نہیں ریکارڈ کیا گیا۔

پہلا ملک جس نے کرونا کو مکمل شکست دے دی، لاک ڈاؤن ختم

ملک میں کروناوائرس کے 15621 کیسز کی تصدیق ہوچکی ہے۔ البتہ اسکاٹ لینڈ میں دیگر ممالک کے مقابلے میں مریضوں اور اموات کی تعداد کم ہے، آج بھی چند کیسز سامنے آئیں لیکن کوئی ہلاکت نہیں ہوئی۔

یاد رہے کہ نیوزی لینڈ نے کرونا وائرس کو مکمل شکست دے دی ہے، وزارتِ صحت کا کہنا ہے کہ ملک میں اب کرونا کا کوئی فعال کیس نہیں رہا۔

Comments

یہ بھی پڑھیں