The news is by your side.

بڑی خوشخبری : پیٹرول، اسٹیل اور خوردنی تیل سستا ہونے کا عندیہ

پشاور : مشیر خزانہ شوکت ترین کا کہنا ہے کہ حکومت کو قرضوں کی قسط اداکرنے کیلئےآئی ایم ایف جانا پڑا، تین چار ماہ بعد پیٹرول ، کوئلہ ،اسٹیل اور خوردنی تیل سستا ہوجائے گا۔

تفصیلات کے مطابق مشیر خزانہ شوکت ترین نے میڈیا سے گفتگو کرتے ہوئے کہا سینیٹر منتخب ہوکر اپنی کارکردگی کو برقراررکھوں گا، میرا کراچی میں ووٹ رجسٹرڈ ہی نہیں ہے، میراووٹ لاہور میں رجسٹرڈ تھا اور اب میرا رجسٹرڈ ووٹ صرف مردان میں ہے۔

شوکت ترین کا کہنا تھا کہ کے پی میں میرا سسرال ہے، اس لئے اسے چنا، میری پارٹی نے مجھے کے پی سےسینیٹ سیٹ پر سپورٹ کیا۔

ملکی معیشت کے حوالے سے مشیر خزانہ نے کہا کہ معیشت میں گروتھ ہورہی ہے اس سے کوئی اختلاف نہیں کرسکتا، مہنگائی بالکل ہے ،4 سے 5 چیزیں باہر سے منگوائی جاتی ہیں۔

ان کا کہنا تھا کہ مہنگائی صرف پاکستان نہیں بلکہ پوری دنیا میں ہورہی ہے، امریکا میں مہنگائی ساڑھے 9فیصد بڑھ چکی ہے۔

شوکت ترین نے کہا آج پاکستان کے خزانے میں 20ارب ڈالر پڑاہے، ڈرائنگ روم میں بیٹھے لوگ بغیر پڑھے ٹی وی پر بولتے ہیں، حکومت کو قرضوں کی قسط اداکرنے کیلئےآئی ایم ایف جاناپڑا، آئی ایم ایف کی اسٹیمپ لگتی ہے تو باقی ادارےبھی پیسہ دیتے ہیں۔

مشیر خزانہ نے خوشخبری سناتے ہوئے کہا تین چار ماہ بعد پیٹرول ، کوئلہ ،اسٹیل اور خوردنی تیل سستا ہوجائے گا۔

Comments

یہ بھی پڑھیں