مانچسٹر: پاکستانی نژاد رُکن برطانوی پارلیمنٹ افضل خان کو شیڈو وزیر برائے فارن آفس اینڈ کامن ویلتھ مقرر کردیا گیا۔
تفصیلات کے مطابق پاکستانی نژاد رکن برطانوی پارلیمنٹ افضل خان کو کامن ویلتھ، افریقہ اور ساؤتھ ایشیا کے لیے فارن آفس کا شیڈو وزیر مقرر کیا گیا ہے۔
افضل خان مانچسٹر سے رکن پارلیمنٹ ہیں اور مسلمانوں کی ایک موثر آواز سمجھے جاتے ہیں۔
یہ بھی پڑھیں: اسلام فوبیا کے خلاف حکومت کو رویے میں نظرثانی کی ضرورت ہے: افضل خان
برطانوی پارلیمنٹ میں اسلام فوبیا کے خلاف بحث پر انہوں نے خطاب کرتے ہوئے حکومتی رویے پر نظرثانی کی ضرورت پر زور دیا تھا۔
ان کا کہنا تھا کہ حکومت اسلام فوبیا سے متعلق پالیسی واضح کرنے میں ناکام رہی ہے، اسلام فوبیا کے خلاف حکومت کو رویے میں نظرثانی کی ضرورت ہے۔
افضل خان کا کہنا تھا کہ مسلم تنظیمیں اسلامو فوبیا کے حوالے سے خدشات کا اظہار کرچکی ہیں، رکن پارلیمنٹ کی اسلام فوبیا کے خلاف تجویز مسترد کرنا باعث تشویش ہے۔
