The news is by your side.

Advertisement

ایم کیو ایم پاکستان کابڑا بھی نیاصوبہ نہ بنا سکا تو یہ کیا بنائیں گے،آغاسراج درانی

کراچی : اسپیکر سندھ اسمبلی آغاسراج درانی کا کہنا ہے کہ نوازشریف بوکھلاہٹ کاشکارہیں انہیں ہماری گفتگوسمجھ نہیں آتی، ایم کیو ایم پاکستان کا بڑا بھی نیا صوبہ نہ بنا سکا تو یہ کیا بنائیں گے۔

تفصیلات کے مطابق اسپیکر سندھ اسمبلی آغاسراج درانی نے میڈیا سے گفتگو کرتے ہوئے کہ حکومت فیض آباددھرناختم کرنےمیں ناکام ہوچکی ہے، نوازشریف بوکھلاہٹ کاشکار ہیں انہیں ہماری گفتگو سمجھ نہیں آتی۔

ایم کیو ایم پاکستان کے نئے صوبے کے مطالبے کے حوالے سے آغاسراج درانی نے کا کہنا تھا کہ سندھ میں کوئی نیا صوبہ نہیں بنے گا عوام یقین رکھیں، ایم کیو ایم پاکستان کابڑابھی نیاصوبہ نہ بناسکا تو یہ کیا بنائیں گے۔

عمران خان پر تنقید کرتے ہوئے اسپیکر سندھ اسمبلی نے کہا کہ عمران خان کی سیاست بنی گالہ اورنتھیاگلی کی سیاست ہے۔

ایم کیو ایم پاکستان اور پی ایس پی کے اتحاد سے متعلق انکا کہنا تھا کہ پیپلزپارٹی کےخلاف کئی اتحاد بنے کوئی فرق نہیں پڑے گا۔


مزید پڑھیں : جمہوریت کے لیےہم نےنوازشریف کاساتھ دیا، لیکن اب نہیں دیں گے‘ آغاسراج درانی


یاد رہے کہ چند روز قبل اسپیکر سندھ اسمبلی آغا سراج درانی کا کہنا تھا کہ میاں نوازشریف کواب ہمارے ساتھ کی ضرورت کیوں پڑی ہے، جمہوریت کے لیے سب کریں گے، کسی ایک شخص کے لیے کچھ نہیں کریں گے۔

آغا سراج درانی کا کہنا تھا کہ جب ہم نے جمہوریت کی خاطر ساتھ دیا اس وقت ہم اچھے تھے ، پیپلزپارٹی نے ہمیشہ عدالتوں کا سامنا کیا اب نواز لیگ بھی کرے، نوازشریف مشکل میں ہیں، ایک ہی راستہ ہےعدالتوں کا سامنا کریں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں