site
stats
سندھ

ن لیگ کے وفد اور آغا سراج درانی کا متحدہ کے بھوک ہڑتالی کیمپ کا دورہ

کراچی: پریس کلب کراچی پر ایم کیوایم کی جانب سے تادمِ مرگ بھوک ہڑتال کا آج چوتھاروز ہے،وزیراعظم نواز شریف کی ہدایت پر ن لیگ کے وفد نے بھوک ہڑتالی کیمپ کا دورہ کی اور ایم کیو ایم کے تحفظات سے آگاہی حاصل کی، اسپیکرسندھ اسمبلی آغا سراج درانی نے بھی بھوک ہڑتالی کیمپ کا دورہ کیا اور متحدہ کے تحفظات اسمبلی میں اٹھانے کی یقین دہانی کرائی۔

تفصیلات کے مطابق کارکنوں کی گرفتاریوں، گمشدگی، ماورائے عدالت قتل اورچھاپوں کیخلاف ایم کیو ایم کی تادم مرگ بھوک ہڑتال کراچی پریس کلب پر چوتھے روز بھی جاری ہے۔

کیمپ میں ایک اور کارکن کی حالت غیر ہو گئی، گزشتہ روز بھی جمیل احمد اور ذاکر قریشی کی حالت بگڑ گئی تھی جنہیں فوری طور پر ابتدائی طبی امداد دی گئی۔

وزیراعظم نواز شریف کی ہدایت پر ن لیگ کے سات رکنی وفد نے بھوک ہڑتالی کیمپ کا دورہ کیا اور ایم کیو ایم کے رہنمائوں سے ملاقات کی۔ وفد میں ن لیگ سندھ کے صدر اور دیگر شامل تھے۔ ایم کیو ایم نے ن لیگ کو اپنے تحفظات سے آگاہ کیا۔

اسپیکرسندھ اسمبلی آغا سراج درانی کیمپ پہنچ گئے، انہوں نے بھوک ہڑتال پربیٹھے متحدہ قومی موومنٹ کے کارکنان سے ملاقات کی اوران کے تحفظات سنے، اس موقع پر آغاسراج درانی نے معاملے کو اسمبلی میں اٹھانے اورایم کیو ایم کے مطالبات  وزیراعلیٰ سندھ  تک پہنچانے کی یقین دہانی کرائی۔

انہوں نے کہا کہ بہتر یہ ہے کہ ایم کیو ایم وزیر اعلیٰ سندھ کی بات مانتے ہوئے بھوک ہڑتال ختم کردے، متحدہ کے رکن قومی اسمبلی کنور نوید جمیل نے کہا کہ ہماری امیدیں ختم ہوئیں تو بھوک ہڑتال پربیٹھے۔

دوسری جانب وزیراعظم نواز شریف نے بھی بھوک ہڑتال کا نوٹس لیتے ہوئے سندھ میں لیگی قیادت کو ایم کیو ایم سے رابطےکی ہدایت کردی ہے۔

یاد رہے کہ گزشتہ روز پیپلزپارٹی کے رہنما خورشید شاہ نے بھی ایم کیو ایم کے بھوک ہڑتالی کیمپ میں ڈاکٹر فاروق ستار اور دیگر رہنماوئں سے ملاقات کی تھی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top