The news is by your side.

Advertisement

عمران خود ہی اپنی پارٹی سے مائنس نہ ہو جائیں، آغا سراج

کراچی : سندھ اسمبلی کے اسپیکر آغا سراج درانی نے کہا ہے کہ مائنس ون کی بات کرتے کرتے عمران خان خود ہی نہ مائنس ہوجائیں، نثار کھوڑو کا کہنا ہے کہ کہیں ایسا نہ ہو کہ عمران خان کو ان کی پارٹی ہی نکال دے۔

تفصیلات کے مطابق عمران خان کے مائنس ون فارمولے کے بیان پر پیپلز پارٹی کے رہنماؤں نے سخت ردعمل کا اظہار کیا ہے سندھ اسمبلی کے اسپیکر آغا سراج درانی نے کہا کہ عمران خا ن مائنس ون کا فارمولا ضیاء الحق سے لا ئے ہیں، مائنس ون کرتے کرتے عمران خان خود ہی نہ مائنس ہوجائیں.

سراج درانی نے پی ٹی آئی کی جانب سے پارلیمنٹ کے مشترکہ اجلاس سے بائیکاٹ کے فیصلے پربھی شدید تنقید کی اورکہا کہ اپوزیشن اتحاد کو توڑ کر عمران خان نے سیاسی نابالغی کا مظاہرہ کیا ہے۔

مزید پڑھیں: آصف زرداری اور نواز شریف اندر سے ایک ہیں، عمران

سندھ کے سینئر وزیر نثار کھوڑو نے بھی کپتان پرتنقید کرتے ہوئے کہا کہ کہیں ان کی جماعت ہی انہیں مائنس نہ کردے۔
واضح رہے کہ چیئر مین پی ٹی آئی عمران خان نے پیپلزپارٹی کو مشورہ دیا تھا کہ جس طرح ایم کیو ایم نے الطاف حسین کو مائنس کیا وہ آصف زرداری کو پارٹی سے مائنس کردیں۔

Comments

comments

یہ بھی پڑھیں