مقبول ترین چینل اے آر وائی نیوز نے مسلسل تیسرے سال پسندیدہ ترین چینل ہونے کا ایوارڈ حاصل کر لیا۔
سال 2021 کے آگاہی ایورڈز برائے صحافت کا اعلان کر دیا گیا اس حوالے سے اسلام آباد میں تقریب منعقد ہوئی جس میں صحافتی شعبوں میں منتخب کردہ افراد کو کارکردگی کی بنیاد پر ایوراڈز دیے گئے۔
اے آر وائی نیوز ایک بار پھر ناظرین کا پسندیدہ ترین چینل قرار پایا، مسلسل تیسرے سال اےآروائی نیوز نے فیورٹ نیوز چینل کا ایوارڈ اپنے نام کیا۔
اسلام آباد میں ہونے والی آگاہی ایورڈ کی تقریب میں اے آر وائی نیوز کو دیا گیا ایوارڈ صحافی عبدالقادر نے وصول کیا، آگاہی ایوارڈ دوہزار اکیس کی نامزدگی میں سب سے زیادہ ووٹ اے آر وائی نیوز کو ملے۔
https://twitter.com/AbdulqadirARY/status/1469342237821648903?s=20
اے آر وائی نیوز کی طرح انٹرنیٹ کی دنیا میں بھی چینل یکساں مقبول ہے۔ دنیا بھر میں بسنے والے پاکستانی ملک کی خبروں اور تجزیوں سے جڑے رہنے کے لیے اے آر وائی نیوز کو ہی ترجیح دیتے ہیں۔
یاد رہے کہ اے آروائی نیوز گزشتہ دو برس سے چینل آف دی ایئر کا ایوارڈ اپنے نام کررہا ہے اور ہر گزرتے دن کے ساتھ اُس کے ناظرین کی تعداد بھی بڑھتی جارہی ہے۔