اسلام آباد : موجودہ حکومت ملکی معیشت کے لیے1965 کی جنگ سے بھی زیادہ تباہ کن ثابت ہوئی ہے، پاکستان میں انیس سو پینسٹھ کے بعد مہنگائی کی شرح بلند ترین سطح پر پہنچ گئی، لوگوں کا کہنا ہے کہ اتنی مہنگائی ہے جی کرتا ہے مرجائیں۔
فروری میں سی پی آئی مہنگائی کی شرح اکتیس اعشاریہ پانچ فیصد رہی، ادارہ شماریات کا کہنا ہے فروری میں شہری علاقوں میں مہنگائی کی شرح اٹھائیس اعشاریہ آٹھ اور دیہی علاقوں میں پینتیس اعشاریہ چھ فیصد رہی۔
1965 کے بعد ملک میں بلند ترین مہنگائی کی شرح#ARYNews #Inflation pic.twitter.com/3YhIYZ8iOS
— ARY NEWS (@ARYNEWSOFFICIAL) March 1, 2023
ادارہ شماریات کی رپورٹ کے مطابق شہروں میں چکن ،خوردنی تیل، گھی، پھل، سبزیاں، دالیں، انڈے، چاول، گندم اور دیگر اشیاء کی قیمتوں میں بے پناہ اضا فہ ہوا۔
کمرتوڑ مہنگائی نے عوام کی چیخیں نکلوادیں، مہنگائی سے پسے عوام کا کہنا ہے کہ اتنی مہنگائی میں دل کرتا ہے کہ مرجائیں، انیس سو پیسٹھ کی جنگ کے دور میں بھی اتنی مہنگائی نہیں تھی، جتنی اب ہے، کما کما کر ہاتھوں میں چھالے پڑگئے ہیں لیکن پھر بھی گھر کا خرچ پورا نہیں ہورہا۔
